Blog

Leikskólapeysur fyrir sumarið á ömmugullin

Ég hef alla tíð prjónað mikið og þegar börnin mín 5 voru lítil fengu þau alltaf nýja peysu um haustið og síðan um vorið eða vetrar- og sumarpeysur. Þá prjónaði ég alltaf vetrarpeysur úr ullargarni og sumarpeysur úr bómullargarni.

Nú á ég þrjú ömmugull á leikskóla og auðvitað passa ég að prjóna handa þeim allt sem þau þurfa þar að hafa. Vetrarpeysurnar fyrir síðasta vetur voru allar eins á þau en þau völdu aðallitinn og amma munsturliti.

Tíminn líður svo hratt svo fljótlega eftir áramót fer ég að velta fyrir mér hvernig peysur eigi að prjóna á þau fyrir sumarið. Ég ákvað að hafa þær ekki eins í þetta sinn. Þau eiga öll sína uppáhaldsliti, Maía Sigrún sem er 3ja ára sér ekkert nema bleikt og aftur bleikt. Aþena sem er 5 ára er farin að færa sig í fjólublátt en Móri sem er 5 ára er hrifinn af grænum, bláum og fjólubláum litum. Þau nefna stundum appelsínugulann en ég held að það sé meira til að gleðja ömmu sína þar sem þau vita að það er einn af mínum uppáhaldslitum 🙂

Ég ákvað að prjóna peysurnar þeirra úr Drops Cotton Merino sem er blanda af bómull og ull. Yndislegt garn að vinna með og flíkurnar halda sér svo vel.

Maía fékk peysuna Bróðir minn Ljónshjarta úr bókinni Leikskólaföt.

Maía fór í peysunni í einn dag á leikskólann og þá hvarf hún 🙁

Ég veit að foreldrar hennar leita nú logandi ljósi að peysunni fallegu. Vonandi kemur hún í leitirnar aftur svo Maía skarti fallegri peysu í sumar.

—–

Aþena fékk peysuna Bølgegang úr prjónablaðinu Børnestrik på pinde 3½ – 4. Uppskriftin er fyrir opna peysu en með smá fixi gerði ég hana heila.

 

 

—–

Móri fékk peysuna Twisted Tree Pullover en uppskriftina fann ég  á Ravelry.com

 

Það var mikið fjör við myndatöku í þessu tilfelli og Móri að’ reyna að kenna stelpunum Ninja takta.

Litið yfir prjónaskapinn árið 2016

Tók saman lista yfir það sem ég prjónaði árið 2016, held að ég sé ekki að gleyma neinu.

Íslandsvettlingar
Uppskrift: frá Emolas Design
Garn: Scheepjes Invicta Extra

Íslandsvettlingar

Glóð húfa
Uppskrift: Glóð frá G. Dagbjört Guðmundsdóttir
Garn: CaMaRose Lamauld

Glóð húfa

Vettlingar á Guðmundu
Uppskrift: How Cold Is It? by Drunk Girl Designs
Garn: Scheepjes Invicta Extra

How cold is it

Peysan Danshringurinn (prjónaði 4 stykki)
Uppskrift: Danshringurinn
Garn: Navia Duo

Danshringurinn8

Eldhúshandklæði
Uppskrift: Eldhúshandklæði
Garn: Scheepjes Stone Washed

Eldhúshandklæðii

Húfan Merida Hat (prjónaði 2 stykki)
Uppskrift: Merida Hat by Alejandra Graterol
Garn: Dale Falk í þá fyrri og Drops Karisma í þá seinni

Merida Hat Maía3insta

Húfan Beyond the Pines
Uppskrift: Beyond the pines by Ekaterina Blanchard
Garn: Drops Baby Merino

Beyond the pines

Færeyska sjalið Túlípanar
Uppskrift: Túlípanar
Garn: Navia Uno

Túlípanar

Húfan Norwegian Style
Uppskrift: 
Norwegian-Style Hat by Mercedes
Garn: 
Scheepjes Invicta Extra og Scheepjes Invicta Colour

Norwegian style hat

Kórónuhúfan Crown Hat
Uppskrift:
 Kórónuhúfa 
Garn: 
Scheepjes Catona og Scheepjes Cotton 8

Kórónuhúfa catona bómullargarn

Sumarhúfan Snúður, prjónaði 3
Uppskrift: 
Snúður
Garn: Drops Baby Merino

Sumarhúfan Snúður

Sjalið Askews Me Shawl
Uppskrift:
Askews Me Shawl by Stephen West
Garn: Kartopu Ketenli

Ask Me Shawl2

Sjalið DonnaRocco handa Tinu frænku
Uppskrift: 
Schal / Scarf *DonnaRocco* by Birgit Freyer
Garn: 
Scheepjes Alpaca Rhythm

DonnaRocco shawl3

Hjálmhúfan Alladin
Uppskrift:
Hjálmhúfan Alladin frá Drops
Garn: 
Drops Alpaca

Alladins húfa

Sumarkjólinn Sóley á Aþenu og Maíu
Uppskrift: Sóley, sumarkjóll
Garn: Scheepjes Cotton 8 og Scheepjes Sunkissed

Sumarkjóllinn Sóley2

Star Wars peysa á Móra
Uppskrift: 
Er í vinnslu kemur fljótlega hjá Handverkskúnst
Garn: Navia Bummull

Star Wars peysa Móra2

Barnapeysan Brim
Uppskrift: 
Brim eftir Hlýnu
Garn: Scheepjes Stone Washed

Brim minnkud

Hjálmhúfan með köðlum
Uppskrift:
Hjálmhúfa með köðlum
Garn: 
Drops BabyAlpaca Silk

hjálmhúfa kaðall

Hvolpasveitapeysurnar Píla og Rikki á Aþenu og Maíu
Uppskrift: 
Er í vinnslu kemur fljótlega hjá Handverkskúnst
Garn: Drops Baby Merino

Hvolpasveita Píla3 Hvolpasveita Rikki 2

Góða peysan
Uppskrift: 
Prjónablaðið Björk nr 5 en einnig hérna
Garn: Drops Karisma

Góða peysan

Peysan Blue Sand fyrir mig
Uppskrift:
BlueSand Cardigan by La Maison Rililie
Garn:
Scheepjes Stone Washed

BlueSand1

Dansekjolen handa Maíu
Uppskrift: 
Dancing Dress / Dansekjolen by C. Pettersen
Garn: Drops Baby Merino

Dansekjolen5m

Ungbarnapeysan Blær (prjónaði 2 stykki)
Uppskrift: Blær ungbarnapeysa
Garn: Scheepjes Stone Washed

Blær3m

Sjalið Emiliana handa mér
Uppskrift: 
Emiliana by Lisa Hannes
Garn: Drops Alpaca

Emiliana sjal 7

Refa- og úlfasokkar á Aþenu og Maíu
Uppskrift: 
Miss Fox Socks by Drops Design
Garn: Drops Alpaca

Rebba og úlfasokkar1

 

Peysan Nancy á mömmu
Uppskrift: 
Nr. 4 „Nancy“ kofte by Sandnes Garn (úr Prjónablaðinu Ýr)
Garn: Drops Karisma

Nancy peysa mömmu6

Barnapeysa á Maíu
Uppskrift: 
Drops Design
Garn: Drops Alpaca

BabyDROPS 14-27_1

Aks tuska
Uppskrift:
á Facebook síðu Bittu Mikkelborg
Garn: Scheepjes Cotton 8

AKS tuska

Húfan Lille Kongle
Uppskrift:
Lille Kongle by Ingvill Freland
Garn: Kartopu Merino Ull og Glühwürmchen endurskinsgarn

lille kongle saman

Peysan I Heart You
Uppskrift: 
i heart you by Mandy Powers
Garn: Navia Duo

I herart you2

Ungbarnapeysan Feykir (prjónaði 2 stykki)
Uppskrift: Feykir ungbarnapeysa og húfa
Garn: Drops Baby Merino
Buxurnar eru frá Drops og uppskriftin hérna

Feykir ungbarnapeysa2m

Sjalið Exploration Station
Uppskrift:
Exploration Station by Stephen West
Garn: 
Navia Duo og Drops Alpaca

Exploration Station3

Hafmeyjuteppi (prjónaði 2 stykki)
Uppskrift: Hafmeyjuteppi
Garn: Kartopu Basak og Kartopu Kar-Sim

hafmeyjuteppi

Leikskólasokkar (prjónaði 2 pör)
Uppskrift: s23-30 Blueberry Fields by DROPS design
Garn: Scheepjes Invicta Matterhorn

Leikskólasokkar M&M

Leikskólasokkar
Uppskrift: DROPS Children 26-15 by Drops Design
Garn: Schachenmayr Regia Design Line by Arne og Carlos

Sokkar á Aþenu

Húfan Kertalogi
Uppskrift:
 Kertalogi by G. Dagbjört Guðmundsdóttir
Garn: 
Glühwürmchen endurskinsgarn

Kertalogi endurskins saman
Hér er húfan upplýst til vinstri og í dagsbirtu til hægri

Barnapeysan Mýri (prjónaði 3 stykki)
Uppskrift: Mýri
Garn: Drops Karisma

Mýri2m

Leikskólabuxurnar Haust (prjónaði 3 stykki)
Uppskrift: Haust leikskólabuxur
Garn: Drops Karisma

Haust, leikskólabuxur2m

Bjölluvettlingar
Uppskrift:
Vettlingarnir eru úr bókinni Leikskólaföt
Garn: Drops Merino Extra Fine

Bjölluvettlingar Aþena_m

Fiskemannslue (prjónaði 2 húfur)
Uppskrift: Klompelompe Høst og Vinter
Garn: Drops Merino Extra Fine

Fiskemanslue Aþena og Maía

Småtroll lue (prjónaði 2 húfur)
Uppskrift: Småtroll-lue frá Klompelompe
Garn: Drops Merino Extra Fine

Småtroll lue Móri og Maía Småtroll lue Móri

Kråkebollelua
Uppskrift: 
Urchin hat / Kråkebollelua by Maria / Strikketanten
Garn: Drops Merino Extra Fine

Kråkebollelua Aþena

Vettlingarnir Trítill (prjónaði 7 pör)
Uppskrift: Vettlingarnir eru úr bókinni Leikskólaföt
Garn: Navia Trio og einnig notaði ég afgangsgarn í nokkur pör

Trítill vettlingar_m Trítill vettlingar2

Peysan Bliki
Uppskrift: 
Bliki frá Móakot
Garn: Navia Tradition

Bliki Móakot

Lullaby húfa og Serene hálskragi
Uppskrift: Drops Design
hálskragi
húfa
Garn: Drops Merino Extra Fine

húfa og hálskragi Drops

Endurskinshúfa (prjónaði 2 stykki)
Uppskrift: Endurskinshúfa
Garn: Glühwürmchen endurskinsgarn

Endurskinshúfa saman
Hér er húfan upplýst til vinstri og í dagsbirtu til hægri

Laufblaðapeysa
Uppskrift:
Drops Design
Garn: Drops Cotton Merino

Laufblaðapeysa_minnkud

Snjókorn (prjónaði 2 stykki)
Uppskrift: knitted snowflake by Sharon Winsauer
Garn: Scheepjes Sugar Rush

Snjókorn (4)

Jólatré, laufblaðamunstur (prjónaði 2 stykki)
Uppskrift: NewYear Tree Ёлочка пышная by Larisa Valeeva
Garn: DMC Petra og Rico Glitter

Jólatré

Jólatré (prjónaði 2 stykki)
Uppskrift: Christmas Tree Ёлочка стройная by Larisa Valeeva
Garn: Rico Glitter

Jólatré2

Vinterwarm hálskragi (prjónaði 2 stykki)
Uppskrift: Vintervarm hals og lue by Kairi Aksnes
Garn: Drops Merino Extra Fine

Vintervarm hals_1m

Hálskragi á Þórdísi frænku
Uppskrift: 
Tora Hals by Torunn Steinsland
Garn: Drops Merino Extra Fine

Tora hálskragi þórdís_m Tora hálskragi þórdís_ m

Hálskragi á Móra
Uppskrift:
 Råtasshals by Klompelompe
Garn: Drops Baby Merino prjónaði það tvöfalt

Móra kragi_m

Darth Vader sokkar á Móra
Uppskrift: s23-30 Blueberry Fields by DROPS design en saumaði Darth Vader síðan í eftir á
Garn: Drops Baby Merino

Móra sokkar_m

Snowflake Star, 2 stykki
Uppskrift: Snowflake Star by Judy Gibson
Garn: Rico heklgarn og Scheepjes Maxi

Snjókorn

Húfan Lítill og vettlingarnir Trítill
Uppskrift: 
Lítill by G. Dagbjört Guðmundsdóttir uppskriftir af settinu eru í bókinni Leikskólaföt
Garn: 
Navia Trio

Lítill og Trítill 1m

Snjókorn
Uppskrift: 
tók hluta úr uppskrift af dúk
Garn: Scheepjes Maxi

Snjókorn (2)

Sjalið Building Blocks
Uppskrift:
Leyniprjón by Stephen West
Garn: 
Drops Baby Merino

Bulding Bloks sjal_m

Navia tátiljur
Uppskrift: 
Navia N904
Garn: 
Navia Trio

Tátiljur N904m

Skrautkragi
Uppskrift:
Skrautkragi
Garn: Scheepjes Catona

Skrautkragi Catona

Jólakúlur, 3 stykki
Uppskrift: Prjónað utan um jólakúlur
Garn: Scheepjes Sugar Rush

Jólakúlur

Emelineskjørt, 2 stykki
Uppskrift: sjá bloggfærslu
Garn: Navia Duo

emelineskjort-navia-duo-2m

Loftbóluhúfur endurskinsgarn, 3 stykki
Uppskrift: Endurskinshúfa með loftbólumunstri
Garn: Endurskinsgarnið Glühwürmchen

endurskinshufur-boblur3m

Klosser öklasokkar á Micha frænda
Uppskrift: 
Karevs klosser by Bitta Mikkelborg (úr bókinni Sokker. Strikking hele året)
Garn: 
Drops Karisma

Micha sokkar

Öklasokkar á Stínu frænku
Uppskrift: 
Stjernegutt og Hjertejente
Garn: 
Drops Karisma

Stínu sokkar

Bibbi kápan á Aþenu og Maíu
Uppskrift:
Bibbi úr bókinni Kærlighed på pinde 
Garn:

bibbi-kapa-athenu1bibbi-kapa-maiu

Peysan Valemount á Petreu
Uppskrift: 
Valemount by Ann-Marie Jackson
Garn:
Kartopu Ketenli

Valemount á Petreu_m

Chaparral Hat (tók að mér að prufuprjóna þessa uppskrift)
Uppskrift: Chaparral Hat by Alyssa Latuchie
Garn: Scheepjes Invicta Extra

Prufuprjón húfa

Vesti á Móra
Uppskrift: 
s22-32 Justus by DROPS design
Garn:
Drops BabyAlpaca Silk

Vestið hans Móra_IG

Vettlingarnir Neidonkyynel
Uppskrift: 
Neidonkyynel by Emma Karvonen
Garn:
Drops Merino Extra Fine

Neidonkyynel (2)

Jakki á Móra
Uppskrift:
Johannes jakke úr bókinni Ljúflingar (Klompelompe)
Garn:
Navia Duo og Drops Alpaca tveir þræðir saman, í körfuprjónið notaði ég Drops Merino Extra Fine

Jakkinn hans Móra1

Sly Fox Cowl handa Maíu
Uppskrift: 
Sly Fox Cowl by Ekaterina Blanchard
Garn: 
Kartopu Merino Ull og Drops Alpaca ljósgrái hlutinn, tvær þræðir saman og Endurskinsgarnið Glühwürmchen dekkri grái liturinn

Úlfahúfa Maíu

Mysterious Mittens á Guðmund frænda
Uppskrift: 
Mysterious Mittens by Ysabelh Designs
Garn: 
Drops Merino Extra Fine

Vettlingar á Guðmund_m

Ofelia öklasokkar á Elínu
Uppskrift:
Ofelia úr bókinni Strømper, strikking hele året
Garn: 
Zitron Trekking Sport 

Ofelia minnkud

Veðráttuteppið árið 2016. Lengd 345 sm og 90 sm á breidd
Uppskrift:
Sikk Sakk teppamunstur
Garn:
Kartopu Basak

Veðráttiteppið fullklárað1

Nú er komið nýtt ár og ný verkefni taka við, er með það bak við eyrað að æfa mig að hekla meira á þessu ári.

Prjónakveðja
Guðrún María

 

Alltaf hægt að finna sér ný prjónaverkefni er það ekki?

Ég prjóna töluvert og fá barnabörnin mín að njóta góðs af því. Ég er yfirleitt með nokkur verkefni í gangi í einu og setti mig því í bann um miðjan nóvember. Mátti alls ekki byrja á nýju verkefni fyrr en þau sem eru nú þegar á prjónunum eru kláruð.

En þá kom bókin Kærlighed på pinde í verslunina og eftir að hafa flett henni var ég friðlaus, bókin er svo falleg og hugsaði ég með mér að ég þyrfti fleiri barnabörn til að prjóna á!  Aþena, Móri og Maía geta ekki endalaust tekið við eða jú kannski 🙂

Það eru að koma jól svo kápan Bibbi datt á prjónana alveg óvart. Þegar sú fyrsta var tilbúin á Aþenu sá ég að Maía yrði líka að fá svona skemmtilega flík. Þetta er falleg kápa sem stelpurnar geta notað fram á vor, ekkert bara spari heldur þegar þeim hentar við ýmis tækifæri.

Aþenu kápa er prjónuð úr Merino Ullinni okkar og fóru 4 dokkur í stærð 6 ára.

bibbi-kapa-athenu1 bibbi-kapa-athenu

Maíu kápu prjónaði ég úr Navia Duo og Drops Alpaca saman og fóru  tæpar4 dokkur af hvorri tegund í kápuna.

bibbi-kapa-maiu

bibbi-kapa-maiu1

 

Kærlighed på pinden er gullfalleg bók með 53 prjónauppskriftum í aldurshópnum nýfætt til 8-10 ára

kaerlighed-paa-pinde_362671

Prjónakveðja

  • Guðrún María
Tags: , , , ,

Að prjóna loftbólur eða sjømannsbobler

emelineskjort-navia-duo-2m

Ég rakst á mjög skemmtilega norska síðu síðast liðinn vetur en þar bloggar Vivian Tran um ýmislegt áhugavert. Hún hannar og prjónar mjög fallegar barnaflíkur og gefur uppskriftir af mörgum þeirra á síðunni. Ég er með nokkrar þeirra á lista hjá mér og lét verða af því að prjóna pilsið Emelineskjørt á ömmugullin mín Aþenu og Maíu í síðustu viku.

Pilsin eru prjónuð með einfaldri en skemmtilegri aðferð sem heitir á norsku sjømannsbobler – ég velti lengi fyrir mér hvort það væri til íslenskt heiti á þetta munstur en fann ekki svo ég kalla þetta loftbólur þar til einhver bendir mér á annað heiti.

Ég valdi mér garnið Navia Duo og eru pilsin létt og hlý fyrir gullin mín að nota í vetur á leikskólann. Aftur á móti er ég meira fyrir að hafa teygju í mittið á börnum og nota svona snúrur frekar sem skraut. Ég breytti því aðeins út af uppskriftinni og gerði tvöfaldan kant til að geta þrætt teygju í og setti svo kant neðan á pilsin í staðinn fyrir stroff bara til að hafa smá samræmi þarna á milli.

Ég fékk leyfi til að þýða uppskriftina yfir á íslensku og hér kemur hún.

emelineskjort-vivian-tran

Emelineskjørt

Stærðir: 1-2 (3-6) 7-10 ára
Prjónar: Hringprjónn 40-60 sm, nr 3 og 3,5
Garn: Ég notaði NAVIA DUO og Drops Merino Extra Fine kemur líka vel út
Supewash frá Europris ljósdrapp 50 (50) 100 og bleikt 50 (100) 150 gr
Prjónfesta: 22 lykkjur á prjóna nr 3,5 = 10 sm

Fitjið upp 105 (118) 131 lykkjur með ljósdrapp á prjóna nr 3, setjið prjónamerki og tengið í hring. Prjónið stroff (1 slétt, 1 brugðin) 2 (2,5) 3 sm, prjónið nú göt fyrir snúruna þannig: prjónið *8 lykkjur slétt, 2 lykkjur slétt saman, sláið uppá prjóninn* endurtakið frá *-* út umferðina. Prjónið síðan áfram stroff (1 slétt, 1 brugðin) þar til stykkið mælist um 4 (5) 6 sm.

Skiptið yfir á hringprjón nr 3,5 og slétt prjón en jafnið lykkjufjölda í fyrstu umferð í 116 (132) 148 lykkjur jafnt yfir umferðina.

*Prjónið nú með bleiku 4 umferðir slétt og nú er komið að loftbólum.
Skiptið yfir í ljósdrapp og prjónið þannig: *látið 1. lykkju rakna niður 4 umferðir og prjónið þræðina 4 ásamt neðstu lykkjunni slétt saman, prjónið 3 lykkjur slétt* Endurtakið frá *-* út umferðina.
Prjónið 1 umferð slétt með ljósdrapp.

Prjónið 4 umferðir slétt með bleiku.
Prjónið með ljósdrapp þannig: 2 lykkjur slétt *látið næstu lykkju rakna niður 4 umferðir og prjónið þræðina 4 ásamt neðstu lykkjunni slétt saman, prjónið 3 lykkjur slétt* Endurtakið frá *-* út umferðina og endið á 1 lykkja slétt.
Prjónið 1 umferð slétt með ljósdrapp*

Endurtakið frá *-*  sem myndar loftbólumunstrið þar til stykkið mælist 20 (25) 30 sm eða sú lengd sem passar. Skiptið yfir á hringprjón nr 3 og prjónið storff (1 slétt, 1 brugðin) um 2 sm. Fellið af allar lykkjur.

Prjónið snúru til að þræða í mittið eða setjið borða.  HÉR og HÉR eru linkar á videró sem sýna hvernig á að prjóna loftbólur (sjømannsbobler).

Það kom sér aldeilis vel að eiga snúruvél frá PRYM ég var í 10 mínútur að gera i-cord snúru um 70 sm langa.

Eins og áður sagði gerði ég tvöfaldan kant þannig: fitjaði upp 118 lykkjur og prjónaði slétt prjón fram og til baka 5 sm, prjónaði 1 umferð brugðið, setti prjónamerki og tengdi í hring. Prjónaði slétt prjón 2,5 sm og gerði þá gataröðina eins og kemur fram í uppskriftinni og síðan slétt prjón aftur þar til komnir voru 5 sm. Nú prjónaði ég 1 umferð slétt en braut um leið kantinn inn og prjónaði með (má einnig sama hann niður eftir á).

taka-upp-lykkjur-a-steng           taka-upp-lykkjur-a-steng2

Hérna er ég búin að þræða lykkjur á aukaprjón, síðan prjóna ég 1 lykkju af hringprjón og 1 lykkju af                        aukaprjóni slétt saman

Ég prjónaði síðan 1 umferð þar sem ég jafnaði lykkjufjölda í 132 lykkjur og prjónaði pilsið að öðru leiti eins og uppskriftin segir til um en endaði á því að prjóna með ljósdrapp 2 sm slétt, 1 gataröð þannig: *2 slétt saman, sláið bandið uppá prjóninn* endurtakið frá *-* út umferðina, síðan tæpa 2 sm slétt og fellið af allar lykkjur. Brjótið faldinn inn og saumið niður.

Hnappagatateygja er mjög sniðug þar sem þá er ekkert mál að herða eða slaka á teygjunni. Þú getur keypt teygju HÉRNA

emelineskjort-vivian-tran-talam
Ég fór með 1 dokku af hvorum lit í hvort pils eða aðeins 1.260 kr og stelpurnar mjög ánægðar með þau.

Svo fyrst ég var farin að prjóna loftbólur þá ákvað ég að skella í endurskinshúfur á stelpurnar einnig. Uppskriftin fæst HÉRNA með keyptu garni.

endurskinshufur-boblur3m

Prjónakveðja

  • Guðrún María
Tags: , , , ,

Hafmeyjuteppi

Hafmeyjuteppi hafa verið vinsæl um tíma og flest hafa þau verið hekluð. Ég er lítill heklari svo ég var alltaf að hugsa um að prjóna hafmeyjuteppi. Lét loksins verða af því í sumar að setja saman teppi.

Ég gerði nokkrar tilraunir og endaði á því að nota Kartopu Basak og hafa það tvöfalt. Garnið er mjög hentugt í teppi þar sem það þvælist vel og má henda beint í þvottavél svo það er ekkert stress þó svo að það sullist á teppið.

hafmeyjuteppi

Stína frænka var að koma í heimsókn frá Kaupmannahöfn svo það var tilvalið að hafa teppi tilbúin og mynda hana og sjá hvernig til hefði tekist. Stína sem er 9 ára var alsæl með þetta teppi og pantaði sér eitt stykki í sínum uppáhalds lit.

hafmeyjuteppi1

Aþena ömmugull mátaði minna teppið fyrir mig og að sjálfsögðu pantaði hún fjólublátt, sem er hennar uppáhalds litur núna.

Teppið kemur vel út einlitt sem tvílitt og um að gera að leika sér með litasamsetningar og/eða leyfa börnunum að velja sjálf litina. Teppið sem Stína er í er prjónað úr Basak og Kar-Sim en Aþena er í teppi sem er prjónað úr Basak

Í Bændablaðinu í dag á bls. 49 er uppskriftin af teppunum í þremur stærðum en það er ekkert mál að minnka eða stækka teppin ef maður vill.

Endursöluaðila víða um land má finna HÉR

Prjónakveðja
– Guðrún María

Tags: , , , ,

Klettagarðar – heklað langsjal

Ég var á ferðinni um borgina í sumar. Það var yndislegt veður. Sólin var hátt á lofti og það var allt svo bjart og fallegt. Þegar ég keyrði Klettagarða voru litbrigði hafsins og himinsins svo björt og mögnuð að ég bara varð að stoppa til að taka mynd.

Ég ákvað strax að ég myndi nota þessa mynd sem innblástur að verkefni.

klettagarðar_heklað_langsjal (7)

Nokkrum vikum seinna fann ég verkefni sem mér fannst fullkomið fyrir þessa liti. Heklað langsjal með páfuglamynstri sem var sérstaklega hannað fyrir Alpaca Rhythm garnið frá Scheepjes.

klettagarðar_heklað_langsjal (2)

klettagarðar_heklað_langsjal (3)

Það var skemmtilegt að hekla þetta mynstur og frekar fljótlegt. Það tók mig lengri tíma að nenna að strekkja það en að hekla það. Þegar sjalið var tilbúið ákvað ég að taka myndir af því á sama stað og innblásturinn var fenginn.

klettagarðar_heklað_langsjal (4)

klettagarðar_heklað_langsjal (5)

klettagarðar_heklað_langsjal (1)

klettagarðar_heklað_langsjal (8)

klettagarðar_heklað_langsjal (6)

Uppskriftin af sjalinu er frí á netinu – á hollensku, ensku og í hekltáknum. Mæli klárlega með þessu verkefni.

Free Crochet pattern: Feather & Fan shawl (EN/NL)

 

Hekl kveðjur
Elín

Tags: , , ,

Að klippa upp peysu

Danshringurinn minnkud

Árið 2014 prjónaði ég meðal annars  þessa fallegu peysu sem kom í bókinni minni Tvöfalt prjón – flott báðum megin. Þessi peysa er virkilega falleg og ég ákvað í janúar að prjóna svona peysu, bara einfalda.

Ég hef alltaf forðast að prjóna opnar peysur þar sem ég fælist þetta saumavélavesen eins og ég kalla það eða að sauma með þéttu spori í brugðnu lykkjurnar áður en klippt er og peysan opnuð. Þetta vefst nú ekki fyrir mörgum en ég get geymt prjónaða peysu svo vikum skiptir af því að ég bara nenni þessu veseni ekki. Oftar en ekki hef ég bara prjónað þær fram og til baka til að losna við saumavélina…

Danshringurinn1

Ég valdi færeyska garnið Navia Duo í þessar peysur og þar sem hún átti að vera í 4 stærðum gat ég ekki gengið í gömlu uppskriftina mína heldur varð að reikna lykkjufjölda út aftur og prjóna. Navia er frábært garn að prjóna úr og þetta munstur skemmtilegt að prjóna.

Fyrsta peysan mín var prjónuð á gamla mátan og ég saumaði samviskusamlega í vél en hugsaði með mér allan tímann að jú það er til önnur leið sem ég hef aldrei prófað. Ég hef séð að margir eru að nota heklunál í stað saumavélar og lofsama þá aðferð í hástert, heitir á ensku „crochet steeking“. Til að gera langa sögu stutta þá prjónaði ég næstu þrjár peysur með þessa aðferð í huga. Ég á ekki til nógu sterk orð til að lýsa ánægju minni með þessa aðferð og mun nota hana hér eftir.

Danshringurinn Crochet steeking

Þetta er eignlega svo einföld leið og þægileg, allt sem þarf er heklunál og þynnra garn en prjónað er úr, ég notaði sokkagarn sem er sterkara en ullin. Ég skoðaði þetta blogg og prjónaði fyrstu peysuna með þessa aðferði í huga.

Prjónaskapurinn er ekki mikið frábrugðin, það eina sem breytist er að í stað þess að vera til dæmis með 4 brugðnar lykkjur upp eftir bolnum var ég með 5 lykkjur sem voru prjónaðar slétt alla leið upp en í sitt hvorum lit þ.e. lykkjur 1, 3 og 5 voru bleikar en lykkjur 2 og 4 voru hvítar. Síðan þarf að passa að skipta aldrei um dokku í þessum 5 lykkjum og ganga ekki frá endum á því svæði. Annað er næstum leikur einn.

Danshringurinn12

Svo af því að ég var komin í ham og þegar peysa númer 3 var prjónuð var ég aðeins búin að fylgjast með norskri grúppu á Facebook og þar sauma þær listana fasta á peysuna áður en þær klippa upp. Þar sem ég prjónaði kant með listunum sem ég nota til að hylja sárið á röngunni vafðist það eitthvað svo fyrir mér svo ég klippti bara upp og saumaði síðan. Ég er ennþá sú sem prjóna kant með listanum til að fela sárið á röngunni en margir eru farnir að sauma borða sem er líka mjög fallegt.

Svo er að sauma listann við og fá munstrið til að passa. Ég held að einhverjir séu sammála mér þegar ég segi að það er bara heilmikil vinna við opnar peysur. Á þessum peysum prjóna ég listann saman með hálsmáli sem mér þykir koma fallega út.

Danshringurinn14

Eftir að ég er búin að klippa, skipti ég listanum á bolinn og festi hann lauslega niður og sauma fastann.

Danshringurinn15

Títuprjónar er líka góðir í að festa listann.

Svo er að sauma tölurnar og passa að allt stemmi, munstur í beinni línu.

Danshringurinn11

Eftir að hafa prjónað þessar 4 peysur og gengið frá þeim er ég komin á þá skoðun að þetta er nú ekki eins mikið mál og ég hef alltaf sagt. Sjálfsagt í mínu tilfelli var það blessuð saumavélin sem ég bara þoldi ekki.

Þessi peysuuppskrift heitir Danshringurinn og fæst uppskrift með kaupum á Navia Duo garni í hana. Létt, hlý og falleg peysa á stelpur og stráka. Stærðir 2, 4, 6 og 8 ára.

  • Smellu hérna til að kaupa þér Danshringinn eða komdu í heimsókn til okkar á Nýbýlaveg 32 í Kópavogi
  • Viltu læra að klippa upp með þessari aðferð? Smelltu hérna og skráðu þig á námskeiðið okkar í apríl
  • Langar þig frekar að gera peysuna tvöfalda? Þú færð bókina hérna og í verslun okkar.

Prjónakveðja
– Guðrún María

Tags: , , ,

Heklað gluggaskraut

Ég er mis ánægð með þau verkefni sem ég tek mér fyrir hendur. Þetta verkefni er eitt af þeim sem ég er fáránlega ánægð með og get ekki annað en brosað í hvert skipti sem ég labba fram hjá því.

heklað_gluggaskraut (12)

heklað_gluggaskraut (1)

Ég heklaði 10 dúllur úr bómullargarni, ekki heklgarni samt heldur grófara garni með heklunál nr. 4. Gulur er í uppáhaldi og ég hikaði ekki við að velja gult garn í verkefnið.

Sinnepsgulu dúllurnar eru heklaðar úr Cotton8

heklað_gluggaskraut (14)

Sóleyjargulu dúllurnar eru líka heklaðar úr Cotton8

heklað_gluggaskraut (13)

Gulsprengdu dúllurnar eru úr Sunkissed

heklað_gluggaskraut (15)

Dúllurnar hengdi ég svo upp í glugganum niðrí vinnu.

heklað_gluggaskraut (16)

Eins og fyrr segir þá er ég ótrúlega ánægð með dúllurnar og þreytist aldrei á að dást að þeim.

heklað_gluggaskraut (17)

Það er svo auka bónus að þegar sólin skín inn þá varpa dúllurnar fallegum skugga á vegginn í versluninni.

heklað_gluggaskraut (18)

Þetta eru dúllurnar. Níu af tíu voru heklaðar eftir munsturmyndum sem ég fann á Pinterest…ein var svona næstum því eftir uppskrift. Þær voru svo allar stífaðar með sykurvatni og eins og alltaf notaði ég skapalón af blogginu A Stitch in Time til þess að allt væri beint og fallegt.

Set inn link á hverja dúllu, eina sem þarf að gera er að smella á myndina og uppskriftin er þín.

heklað_gluggaskraut (11)

heklað_gluggaskraut (10)

heklað_gluggaskraut (9)

heklað_gluggaskraut (8)

heklað_gluggaskraut (7)

heklað_gluggaskraut (5)

heklað_gluggaskraut (4)

heklað_gluggaskraut (3)

heklað_gluggaskraut (2)

Þessi geggjaða hugmynd er fengin af blogginu hjá Kirsten sem er hollenskur Scheepjes bloggari.
Mæli með því að þið kíkið við hjá henni því hún er með fullt af flottu hekli á síðunni sinni.

Ta-dah and free crochet pattern: Summer mandala’s

Tags: , , , ,

Prjónauppgjörið fyrir árið 2015

Já ég prjónaði mikið árið 2015, það er alltaf gaman að taka það saman og sjá svona í einu yfirliti.

Ég klárið þetta teppi handa Aþenu ömmugulli. En ég ætlaði að vera mun fljótari með það en síðan varð ég að setja bann á öll önnur verkefni fyrr en ég væri búin með þetta teppi. Skemmtilegt að prjóna tvöfalt prjón

Hello kitty teppi saman merkt

Fyrsta verkefnið mitt var hringtrefill á Sofiu frænku sem hún pantaði sér. Rautt og blátt er í uppáhaldi hjá henni núna.

Sofiu hólkur

Petrea með hólkinn fyrir myndatöku áður en ég sendi hann til Kaupmannahafnar

Hef gaman af því að prjóna sokka. Prjónaði þessa og er búin að vera á leiðinni að skrifa uppskriftina síðan eða í tæpt ár! Spurning um að gera eitthvað í því á þessu ári 🙂

Bleikir sokkar mín hönnun

Kjólar á ömmuprinsessurnar mínar. Var lengi búin að leita að verkefni fyrir þetta garn. Norski barnakjólinn kemur vel út og stelpurnar eru flottar í þeim

aþenu kjoll saman1 minnkadur

Ég tók þátt í vettlingaprjóni þar sem þemað var hjörtu og Freja vettlingar urðu fyrir valinu.

Freja vettlingar tilbunir

Systir mín hjólar mikið og þegar ég sá þessa vettlinga á netinu bara varð ég að skella í eina handa henni.

hjolavettlingar1

Vesti á Hauk, hann var lengi búinn að tala um að ég prjónaði vesti og þegar ég sá þessa uppskrift ákvað ég að skella í eitt. JB vest frá Marly Bird

Hauksvesti3_minnkud

Spiderman peysa á Móra ömmugull. Þessi klikkar ekki fyrir Spiderman aðdáendur

Spiderman Basak1 minnkud

Aþena ömmugull pantaði bleika peysu með Mínu Mús og auðvitað varð ég við því

Mína mús minnkud

Maía Sigrún ömmugull byrjaði á leikskóla og fékk auðvitað peysu og húfu

Leikskólapeysa Maíu tilbúin

Útskriftargjöf fyrir frænkur. Hnésokkar – alltaf gott að eiga svoleiðis

Gunnusokkar minnkud2

Ingibjargarsokkar minnkud4

Fór á Bindifestival í Færeyjum í apríl, var með námskeið í tvöföldu prjóni og naut mín umvafin gestrisnum Færeyingum

Bindifestivalurin

DK kurs 1e

Féll alveg fyrir þessum stuttbuxum þegar ég sá þær. Stjörnustuttbuxur prjónaðar á Aþenu og Maíu

Stuttbuxur2

Móakotspeysa var búin að vera lengi á listanum hjá mér. Prjónaði Móbjörgu sem smellpassar á Jóhönnu mína

Móbjörg Navia1

Þegar við mæðgur keyptum Bjarkarhól – tókum við að okkur uppskriftir í Bændablaðið. Þetta var fyrsta uppskriftin frá mér – Góða peysan, prjónaði tvær

godapeysan_maia minnkud

Góða peysan móri

Kanínuvettlingar á Maíu

Maíu kanínuvettlingar

Sumarhúfa á Maíu

Maíu sumarhúfa

Keypti mér Navia garn í Færeyjum í þessa skemmtilegu peysu á Maíu Sigrúnu

Maíu peysa Navia1

Kaðlapeysan Hrífa á prjóna nr 12 – langt síðan ég hef prjónað með svona grófum prjónum

hrífa

Aþena var mikið með húfur þetta sumarið og prjónaði ég þessa á hana. Uppskriftin heitir Fern

Aþenuhúfa1

Sá þessar fallegu leggings á norskri síðu og prjónaði eitt stykki. Paleas leggings

Paelas hversdagstihts

Molund hat, húfa eftir uppskrift frá Bittu Mikkelborg

Molund hat

Stutta hettupeysan Selma kom í Bændablaðinu

Selma_stuttpeysa (8)

Í júní var komið að því að prjóna kjól úr Stone Washed. Skömm að því að segja að ég hef aldrei náð mynd af barninu í kjólnum. Kjörinn leikskólakjóll

Aþenu kjóll Stone Washed

Þessi kjóll var búinn að vera lengi á biðlistanum hjá mér, skemmtilegur að prjóna. Maía Sigrún tekur sig vel út í sumarkjólnum sínum. Uppskriftin heitir Ava Tunic og fæst á Ravelry

Ava tunic6_instagram

Ermar er alltaf gott að eiga og voru þessar mikið notaðar. Frábært að eiga utan yfir kjóla, uppskriftin heitir Twyla og ég notaði Stone Washed garn

Twyla Aþenu 2

Peysan Perlur fór í Bændablaðið

Perlur1m

Borðtuskur, jú prjónaði nokkrar. Bitta Mikkelborg er í uppáhaldi hjá mér og voru mínar tuskur prjónaðar eftir uppskrift frá henni þetta árið.

Advent tuska1 Borðtuska Tenn lys2 haust klútabók

Borðtuskur cotton 8

Sumarið er ágætur tími til að undirbúa börnin fyrir haustið og mín litlu fengu auðvitað lopavettlinga

Lopavettlingar3_m

Barnabörnin fengu líka nýja sokka fyrir leikskólann. Aþena og Maía fengu eins sokka

Aþenu vetrarsokkar

Móri fékk þessa

Móra sokkar

Kaðlahúfa úr Merino Ull

Kaðlahúfa Dóra Ste

Hvolpasveitapeysan fyrir einlægan aðdáanda þessara hvolpa. Mikil gleði og erfitt var að fá hann úr peysunni sama hversu heitt var úti….

Hvolpasv, instagram

Polku-myssy kaðlahúfa á Maíu

Kaðlahúfan Polku Myssy3

Herrapeysan Rákir fyrir Bændablaðið

Rákir herrapeysa

Frost vettlingar sem ég teiknaði upp eftir gömlum vettlingum frá tengdamömmu

Frost instagram

Kolkrabbahálskragi á Maíu og Móra

kolkrabbakragi maíu kolkrabbakragi móra

Kaðlahúfan Matti á Móra

Kaðlahúfan Matti3m

Og ein aukalega fyrir búðina

Kaðlahúfan Matti

Hjartakaðlahúfa fyrir Aþenu – hún kallar hana Frozen húfu

Hjartakaðall4m

og ein auka fyrir búðina okkar

Hjartakaðall7m

Frigg vettlingar 

Frigg1

Fleiri kaðlahúfur

Hvíta og græna kaðlahúfan

Petrea mín á engil á himnum, prjónaði þessa vettlinga handa henni til minningar um litlu Emilíu Mist

Emilia mist

Sá þennan skemmtilega kjól í Færeyjum og keypti mér garn og uppskrift í kjóla en hef bara prjónað annan af tveimur ennþá…..

Kjóli við megastjörnu

Myria sokkar úr nýju sokkabókinni hennar Bittu

Myria sokkar2

Leikskólagallinn Grallari – 4 eintök

Grallari leikskólagalli5m

Grallari leikskólagalli28m

Færeyska sjalið Demantar

Demantar Navia1

Afkvæmið barnaútgáfa af Erfingjanum

afkvæmið

Fleiri hnésokkar, á eftir að skrifa uppskriftina af þeim

Hnésokkar GMG

Keypti Minions leggings á stelpurnar og ákvað að prjóna kjóla/túniku við þá í hlutlausum lit

Aþena fékk Smilla´s kjole

Aþenu minions kjóll

Maía fékk Fionas Top

Maíu minions kjóll

Hér er komið myrkur og komið að endurskinsgarninu. Prjónaði vettlinga og húfur

Endurskinsvettlingar

Endurskinshúfur2

Hálskragi á Aþenu – uppskriftin heitir Løvfallhals

Hálskragi aþena

Kisuvettlingarnir Kettunøsin

Kisuvettlingar1

Jólapeysa á rauðvíns- og hvítvínsflöskur

Rauðvíns og hvítvínsflaska2

Prjónaði mér dúk

Dúkur

Smekkpils á Maíu

Smekkpils Maíu2

Húfu og vettlinga handa mömmu

húfa og vettlingar mamma

Peysan Bjarni á soninn

Bjarni

Guðmunda fékk tvöfalt prjón vettlinga í jólapakkann

Guðmundu vettlingar tvöfalt prjón hlið A
Hlið A

Guðmundu vettlingar tvöfalt prjón hlið BHlið B

Tátiljur í jólapakka

Tátiljur2

Endaði á að prjóna tvær endurskinshúfur í jólapakka.

Græna fyrir fótboltastelpu í Breiðablik

Endurskinshúfur9

og rauða fyrir fótboltastelpu í Val

Endurskinshúfur3

Þessir vettlingar voru á dagskrá um jólin ásamt nokkrum prufum og eldhúshandklæði sem ég var að gera. Kláraðist á nýju ári svo það fer ekki með hérna.

Vettlingar GR des

Já þetta er bara slatti sem „datt“ af mínum prjónum árið 2015. Nú er komið nýtt ár og gaman að sjá hvað maður tekur sér fyrir hendur þetta árið.

Prjónakveðja
– Guðrún María

Hekl uppgjör 2015

Þegar ég var að hugsa um að skrifa þessa færslu fannst mér ég ekki hafa komið miklu í verk þetta árið – handavinnulega séð. En eftir að hafa flett í gegnum myndir ársins sá ég að ég tók upp á ýmsu.

Kláraði löber sem átti að vera jólagjöf.

IMG_9151 copy

Mágur minn varð þrítugur og fékk þessa mynd. Myndin var samvinnuverkefni fjölskyldunnar, unglingurinn hannaði kafbátinn og við hjónin saumuðum út.

 

IMG_20150117_204205

Lítill herramaður að nafni Daníel fæddist í janúar og fékk þetta teppi að gjöf.

IMG_9142 copy IMG_9138 copy

Jóhanna amma dó í febrúar. Hún fór reglulega með þessa bæn fyrir barnabörnin og fór þessi mynd með henni í kistuna.

IMG_20150219_112923

Við Guðmunda kisa eyddum mörgum stundum saman með handavinnuna.

IMG_20150330_112700

Fór í vettvangsnám sem kennaranemi og fék að kenna 5. bekkingum að vefa.

IMG_20150311_164833

Fór til Færeyja í apríl á Prjónafestival sem var vægast sagt æðislegt. Færeyingar eru höfðingar heim að sækja, landið fallegt og ég var barnlaus í heila viku. Þvílíkur lúxus!

IMG_20150417_180333

Í Færeyjum kenndi ég frændum mínum Pauli og Tóki að graffa. Þeir voru mun spenntari fyrir þessu en ég bjóst við og skreyttu garðinn sinn með hekli.

IMG_20150418_153911

IMG_20150418_152950

Ég prjónaði og labbaði á sama tíma…og fannst ég frekar töff.

IMG_20150418_231810

Fór á vinnustofu og lærði nýtt prjón. Notaði þessa nýju færni til þess að graffa fyrir utan húsið hjá Tínu frænku og Sigurd í Fuglafirði.

Graff1

Graff2

Graff4

Heklaði samt líka i Færeyjum og hannaði þetta teppi. Garnið er færeyskt og munstrið er fengið af færeyskri peysu. Nýji eigandinn er þó íslenskur herramaður að nafni Arnór sem fæddist í maí. Liturinn var sérstaklega valinn fyrir mömmu Arnórs.

IMG_20150505_190904

IMG_20150505_191233

IMG_20150505_191444

Jurtalitaði garn með lauk. Byrjaði að prjóna vettlinga en komst aldrei lengra en þetta.

IMG_20150531_185851

Keypti garnbúð með mömmu. Það er nokkuð merkilegt.

IMG_20150822_155631

Heklaði utan um steina.

IMG_20150510_180243

Skellti í Horna á milli púða sem var skemmtilega glitrandi.

IMG_20150527_163938

Heklaði mér Kríu sjal. Löngu á eftir öllum öðrum.

IMG_20150528_110514 IMG_20150908_230119

Átti margar góðar stundir úti í góða veðrinu með hekl, kaffi og krakkana.

IMG_20150626_002814

Byrjaði að hekla púða…er næstum því búin með hann.

IMG_20150815_151826

Byrjaði á mörgum öðrum verkefnum sem ég mun liklegast aldrei klára.

IMG_20150828_102320

Heklaði þessa peysu. Finnst hún frekar flott þótt ég segi sjálf frá.

20150702_134846

Heklaði nokkrar krukkur eins og vanalega.

20150911_191334

Heklaði skvísukraga fyrir Maíu og Aþenu. Maía var ekki alveg að vinna með mér í myndatökunni.

20150621_180144 20150621_131335

 

Áttaði mig á því að ég er með bómullarblæti.

IMG_20150706_230508

Heklaði þrjár mandölur til heiðurs heklara sem tók sitt eigið líf.

IMG_20150716_015525 IMG_20150716_015922 IMG_20150716_020029

Eiginmaðurinn fann einu sinni mynd af hekluðum typpum á netinu og sagði: „Þú mátt hekla svona handa mér“. Sem ég gerði og gaf honum í brúðkaupsafmælisgjöf.

IMG_20150731_223532

Prufaði ný munstur.

IMG_20150719_233327

Tók heklið oftar en ekki með mér á kaffihús.

IMG_20151011_213314

Kláraði fánalengju sem ég byrjaði á fyrir löngu síðan.

IMG_20151010_210019

Graffaði ljósastaur fyrir utan vinnuna.

IMG_20150821_160739

Bjó til „nýtt“ garn úr afgöngum og prjónaði utan um herðatré.

IMG_20151009_172055

Fór til Köben og kenndi námskeið í tvöföldu hekli. Verð að játa að ég var frekar stressuð að kenna í fyrsta sinn á öðru tungumáli en íslensku. Að sjálfsögðu voru dönsku heklararnir ekkert nema almennilegir og námskeiðið gekk vonum framar.

IMG_20150926_163130 IMG_20150927_112400 IMG_20150927_115852 IMG_20150927_115725

Heklið var tekið með trompi í Köben. Meir að segja mamma lagði prjónana til hliðar og heklaði eins og vindurinn.

IMG_20150926_222242

Heklaði fyrsta teppið mitt með tvöföldu hekli. Var búin að steingleyma því. Á algerlega eftir að mynda það og monta mig.

IMG_20150923_174245

Byrjaði að hekla Vírussjalið sem tröllreið öllu. Var hálfnuð þegar ég rakti allt upp vegna villu. Mér til varnar þá var þetta frekar stór villa.

IMG_20151019_155524

Fyrir vikið var seinni útgáfa sjalsins einstaklega vel heppnuð.

IMG_20151029_122229

Heklaði sokkaleista sem eru víst meira tátiljur.

IMG_20151015_140642

Notaði mömmu sem fóta módel. Það fór henni bara vel.

IMG_20151015_140109

Heklaði þennan fína hálskraga úr Navia ullinni. Guli liturinn var í uppáhaldi hjá mér þetta árið.

20151018_164450

Byrjaði á OG kláraði teppið Hjartagull. Það er án efa eitt af því fallegasta sem eg hef heklað.

IMG_20150802_204521

IMG_20150830_174919

Heklaði vettlinga. Ekki bara eitt par heldur tvö.

IMG_20150903_142958 IMG_20150908_202209 IMG_20150908_202128

Jólaskraut er eitt af því sem ég elska að hekla. Byrjaði alltof seint að hekla fyrir jólin. Hefði þurft að byrja í september til að komast yfir allt sem mig langaði til að hekla. En það koma jól eftir þessi jól.

IMG_20151109_120619

Þessi stóra bjalla lifði ekki lengi. En það sullaðist yfir hana kaffi. Ég þarf að fara að læra að geyma kaffið mitt lengra frá kaffinu.

IMG_20151112_142203

Uppáhaldsverkefni ársins eru jólakúlurnar mínar. Þær eru alla vegana uppáhalds núna. Mér finnst þær fullkomnar og þær eru svo dásamlega fallegar á jólatrénu mínu.

IMG_20151228_103941 IMG_20151228_104001 IMG_20151228_104037 IMG_20151228_104049 IMG_20151228_104019

 

Nýja árið leggst vel í mig. Vona að það sama eigi við um þig.
Óska öllum gæfu, gleði og sköpunar á nýja árinu sem er að ganga í garð. Takk fyrir það gamla.

Elín