Jólahandverksmarkaður

Ég ákvað með stuttum fyrirvara að vera með á Jólahandverksmarkaði sem haldinn var í dag á Sjóminjasafninu í Reykjavík, Víkin. Ég var eins og lítið barn innan um alla dásemdina sem þarna var í boði og dansaði um salinn. Það var svo gaman að sjá og skoða þegar allir voru að stilla upp vörum sínum upp og gera sig tilbúna fyrir daginn. Við eigum svakalega margt hæfileikaríkt fólk og þegar kemur að handverki er ekkert gefið eftir, úrvalið er gífurlegt. Ég fékk leyfi frá öllum að mynda borðin þeirra og birta hér á blogginu mínu.

Guðrúnardætur

Við mæðgur vorum saman Guðrúnardætur og Handverkskúnst. Guðmunda saumar út krossasaumsmyndir í mörgum útfærslum og útbýr: lyklakippur, bókamerki, nælur, hálsmen, myndir, eyrnalokka og ermahnappa. Afskaplega fallegt hjá henni.

Guðmunda klár í slaginn

Fallegu vörurnar hennar

Álfaskór

Alltaf gaman að skoða álfaskóna. Mikið úrval í öllum stærðum.

Álfaskór í öllum stærðum og mörgum litum

Handverk og hönnun – astast

Eyfirskt handverk og hönnun þar sem áhersla er lögð á gæði og góðann frágang. Margskonar vörur til sölu m.a. barnafatnaður og ullarvara. Kertin hennar eru virkilega falleg og svo þóttu mér hálstau fyrir kisur algjör snilld.

Ásta við borðið sitt

Hálstau fyrir ketti, hvaða köttur væri ekki glæsilegur með svona um hálsinn?

Falleg kerti skreytt með kirkjum

Nína Fína Textil

Skemmtilegar húfur í öllum litum og flottir verndarenglar, mjög skemmtileg hugmynd

 Húfurnar fallegur

Verndarenglar

Hárskraut *LíLa-Líríó*

Skemmtileg hugmynd og hárböndin hennar falleg, sá þarna í fyrsta skipti hárbönd með uglum og voru þau æði.

Hárbönd í mörgum litum

Eru ugluhárböndin ekki sæt?

EMM handverk, vinnustofa

Flottir skartgripir: Hálsmen, nælur, eyrnalokkar, armbönd, prjónamerki og fleira.

Fallegir skartgripir

Prjón íslenskt

Kolbrún er með prjónavörur t.d. húfusett, vettlinga, inniskó, peysur, sjöl og trefla. Fallegar vörur hjá henni.

Fallegar vörur

Sigga S. Glerkúnst

Glerhandverk; Klukkur, Matarstell, Lampar, Skartgripir, Kertaljós, Skálar og Aðventukransar eru dæmi um það sem ég hef til sölu. Einnig hef ég verið að búa til og hanna hluti eftir tilefnum og óskum viðskiptavina. Virkilega flottar vörur hjá henni og aðventukransarnir ofboðslega fallegir.

Smá sýnishorn af vörum hennar

Handverkið mitt

Vörur unnar úr rekavið. Ásta er snillingur og vörurnar hennar skemmtilegar

Jólasveinar

Jólauglan er sæt

Kúlur á jólatréð

Frida design

Hólmfríður hannar fallegar þæfðar vörur úr íslenskri ull.

Básinn hennar

Sjal / herðaslá

Hattur

KúMen

Skart og nytjahlutir úr horni og beinum.

Flottar vörur hjá Þórdísi Höllu í KúMen

Handverk Ebbu

Mikið úrval hjá henni, tréhálsmen, orkeraðir skartgripir, leðurarmbönd.

Hálsmen

Hálsmen og armbönd

Gallerý Ársól

Hún var með mikið úrval af leðurveskjum og silfurskarti

Hluti af úrvalinu

Hringar

H&E Design

Þau Hulda Birna og Einar eru með frábært úrval af slaufum, ekki eingöngu hefðbundnar heldur líka litríkar og skreyttar hinum ýmsu teiknimyndum og fleira. Íslensk hönnun, íslenskt handverk, frábærar gjafir – tel þær hitta í mark hjá öllum.

Turtles skjaldbökur

Leður og prjónaðar slaufur

Gífurlegt úrval og allir ættu að finna eina við sitt hæfi

Icewool

Tískuvörur unnar úr íslenskri ull

Icewool

Gagga handver og hönnun

Ýmis útsaumur, textar, hvítsaumur,myndir og fleira. Falleg sængurföt fyrir börn með áletrun og svo getur þú komið sjálf með sængurföt og látið merkja eða setja fallegan texta eftir þínu höfði. Flottar jóladúllur, hárspennur með fiðrildum, púðar með vísum og margt fleira.

Fiðrildahárspennur

Rammar og púðar með áletrun

Jóladúllur

Blúndugler

Magga í Blúndugler er með frábærar vörur. Glervörur sem hún skreytir merð dúkum frá móður sinni og ömmu til að mynda munstur á gler. Þú getur komið með prjónaðan eða heklaðan dúk sem þú átt og Magga skreytir kökudisk, skál eða fat með honum. Dúkurinn eyðileggst ekki heldur notar þú hann áfram en átt líka t.d. fallegan kökudisk með honum. Algjör snilld hjá Möggu.

Skálar og diskar

Fat og fleiri diskar

Skemmtileg hugmynd

Handverkskúnst

Má ekki gleyma sjálfri mér. Ég var með slatta af prjónavörum sem ég hef prjónað á þessu ári. Sá það að útprjónaðir vettlingar á fullorðna er eitthvað sem rýkur út. Ég var þarna meira til gaman og sé ekki eftir því, skoða það alvarlega að vera með aftur á næsta ári.

Vettlingar, sokkar, sjöl og uppskriftir

Í lokin á kaffihúsinu þarna var þessi fallegi stóll. Veit því miður ekki nafnið á listakonunni sem prjónaði utan um hann en varð að mynda hann.

Skemmtilegur, ekki satt?

Kveð í bili, virkilega gaman að vera með á jólamarkaðnum og mæli með að þú kíkir hafir þú ekki farið áður á svona markaði.

Kveðja
Guðrún María