Category Archives: Gamalt verður nýtt

Fjölskyldusteinar

Eftir að hafa lengi hugsað um að blogga þá ákvað ég loks í kvöld að setjast niður og blogga. Það eru ekki nema 9 mánuðir síðan ég bloggaði síðast. Ég hugsa reglulega til þess hversu oft ég bloggaði hér á árum áður. Fyrir um 7 árum (vá hvað tímanum líður) byrjaði ég að blogga undir nafninu Handóð. Hvatinn þá til að blogga var að ég þekki fáa sem enga heklara og var oft einmana þegar það kom að heklinu. Ég hafði mikla þörf fyrir að ræða allar þær vangaveltur sem ég hafði um heklið en flest allar samræður voru einhliða þar sem viðmælendur mínir höfðu engan áhuga á hekli. Man alltaf eftir því þegar ein sem vann með mér sagði: “Æj Elín, þegar þú byrjar að tala um þetta hekl þá líður mér eins og þegar kærastinn minn er að tala um fótbolta”.

Því eins og fyrr segir byrjaði ég að blogga um heklið mitt og uppskar heilmikið úr því – meðal annars að kynnast fleiri heklurum. En fyrir 7 árum var tíðin önnur og aðstæður allt aðrar. Eftir vinnu á hverjum degi tók við heilagur “Dr. Phil og hekl” tími áður en nokkuð annað var gert á heimilinu. Ég var þá einstæð með einn 9 ára gutta sem var ekkert ósáttur þótt hann fengi smá frið fyrir mömmu sinni á meðan hún bloggaði. Og því var ég gífurlega öflug í blogginu. Í dag eru aðstæður töluvert öðruvísi, börnin orðin þrjú og það eru margar vikur ef ekki mánuðir síðan ég horfði á Dr. Phil.

Þar sem ég er enn einstæð þá er ég oftar en ekki gífurlega þreytt í lok dags og ég verð bara að játa að ég er alveg núll spennt fyrir því að blogga. En ég hekla, það breytist aldrei. Eftir að börnin eru komin í rúmið og unglingurinn flúinn inn í herbergi byrjar heilagur “sjónvarpsgláp og hekl” tími. Nú orðið hekla ég oftar en ekki með tilgang, ég er að hekla til þess að búa til uppskrift eða ég er að hekla eftir uppskrift sem hægt er að benda öðrum á. En inn á milli koma verkefni þar sem ég er bara að hekla til að skapa og útkoman er það eina sem skiptir máli. Það besta samt við það er að ég slaka svo vel á, ég er bara í núinu að skapa og mér líður svo vel.

Og þar komum við að titli þessarar bloggfærslu. Því þessir steinar, sem ég kalla Fjölskyldusteinana okkar, eru einmitt þannig verkefni. Einn daginn greip mig þessi sterka þörf til að skapa og útkoman varð þessi. Undanfarinn var þó töluvert lengri í raun og veru, ég skal útskýra mál mitt frekar:

  • Ég dýrka að fara á Nytjamarkaði og sanka að mér alls konar dóti þaðan. Mikið af þessum gersemum tengjast að sjálfsögðu hannyrðum og þá oftar en ekki hekli. Ég kaupi rosalega mikið af gömlum hekluðum dúllum og dúkum ef ég sé munstur í þeim sem ég held að ég geti notað. Þetta geymi ég svo á víð og dreif um heimilið og gríp í þegar þörf er á. Eins og í þetta verkefni.
  • Fyrir rúmu ári síðan hætti verslunin Erla á Snorrabraut rekstri og var því með rýmingarsölu. Ég keypti mér fullt fullt af útsaumsgarni í alls konar litum sem hefur svo legið ofan í skúffu síðan þá.
  • Ég á það til að týna upp steina sem mér þykja fallegir og geyma ef ég skyldi vilja hekla utan um þá. Því átti ég nokkra steina heima sem ég gat notað til verksins.

Þennan dag sem þessi sterka löngun til að skapa greip mig fékk ég börnin mín með mér í lið. Fyrst valdi hvert sér dúk með munstri sem þeim þótti flott, dúkinn notaði ég svo sem innblástur fyrir munstrið í þeirra stein. Næst völdu þau sér útsaumsgarn í lit sem þeim þótti fallegur. Ég gerði slíkt hið sama. Næstu kvöld á eftir sat ég svo og heklaði og rakti upp, heklaði og rakti upp, heklaði og rakti upp. Þar til ég var sátt með steininn að hverju sinni. Ég fór með eina hespu af DMC útsaumsgarni í hvern stein, hafði tvöfaldan þráð og notaði heklunál nr. 1,25 til verksins.

Minn steinn: Ég (34 ára) byrjaði á mínum stein og valdi mér því nokkuð einfalda dúllu til að fara eftir. Dúlluna keypti ég í Genbrug verslun í Köben 2016 (já þetta man ég).

Mikaels steinn: Mikael (16 ára) var í valáfanga í Tækniskólanum þar sem hann var að læra að hnýta og vildi að munstrið í steininum sínum væri eins og net. Ég er sérstaklega ánægð með steininn hans Mikaels því munstrið í miðjunni minnir mig á atóm og Mikael er alger vísindanörd. Dúkinn erfði ég frá Jóhönnu ömmu minni þegar hún lést 2015.

Móra steinn: Móri (5 ára) barðist hart fyrir því að fá þennan fjólubláa lit. Systir hans var fyrri til að grípa hann en rak svo augun í bleikt og skipti um skoðun. Fjólublár er í uppáhaldi hjá honum um þessar mundir, enda er það liturinn á uppáhalds Turtles kallinum hans. Dúkurinn er keyptur í Genbrug versluninni í Köben.

Maíu steinn: Maía (3,5 ára) er bleik út í gegn. Það kom mér því ekkert á óvart að hún skyldi velja bleikt garn og bleikan dúk. Hún á ekki langt að sækja það því ég er ansi hrifin af bleiku sjálf. Dúkurinn er keyptur í Genbrug verslun í Lundi 2014.

Áður en ég byrjaði að hekla þá var ég eitthvað að hugleiða það að láta steinana vera úti á tröppum til skrauts. En ég tími því alls ekki eftir að hafa klárað þá. Í dag eru þeir til skrauts inn í stofu hjá okkur og gleðja okkur fjölskylduna. Ég er nokkuð viss um að þessi steinar eigi eftir að fylgja mér lengi.

 

Takk fyrir innlitið á bloggið og þúsund þakkir fyrir lesturinn. Ég mæli hiklaust með því fyrir alla að hekla utan um steina. Ef þig langar að skella þér í eitt stykki “heklaðan stein” þá erum við með eina uppskrift hér á síðunni sem þú getur sótt þér og prufað.

Heklkveðjur
Elín

Ferðasaga hannyrðanörds

Ég fór í ferðalag um helgina sem gerist alltof sjaldan. Við hjónin skelltum börnunum upp í bíl og keyrðum austur fyrir fjall. Áfangastaðurinn var heilsárshús fjölskyldu vinar okkar, en umræddur vinur beið okkar þar. Amman og afinn byggðu húsið fyrir mörgum mörgum árum og ólu öll sín börn þar upp. Á meðan heimsókn okkar stóð sagði vinurinn okkur sögur af ömmu sinni og heimsóknum hans sem lítill strákur í sveitina til ömmu og afa. Afinn lést fyrir þónokkrum árum en amman lést í fyrra þá 88 ára gömul.

En hvað kemur þetta svo hannyrðum við? Jú amman var mögnuð hannyrðakona. Ég snérist í hringi yfir öllu þarna inni. Amman var húsmæðraskólagengin og hafði greinilega nýtt þá menntun sem hún fékk þar alla ævi. Á árum áður var það ekki eintómt fjör eða föndur að sinna hannyrðum, það snérist ekki allt um að hanna. Það var hreinlega nauðsyn. En amman tók hvoru tveggja með trompi – nauðsyn og sköpun.

Fyrsta sem ég rauk augun í voru svanirnir. Þeir voru frekar skemmtilegir.

20150809_170305 20150809_170318

Í fyrstu taldi ég að þetta veggteppi væri Glitsaumur. En eftir að hafa borið þetta undir sérfræðingana í FB hópnum Útsaumur/Krosssaumur var niðurstaðan að þetta væri Glitvefnaður. Sem sé glitsaumur ofinn í vefstól.

20150808_104109

Fann einnig þennan dúk með Augnsaumi. Mér finnst augnsaumur svo merkilegur því hann er alveg eins beggja megin. En þessi mynd sýnir einmitt réttuna og rönguna. Ég er svo veik fyrir íslenskum útsaum svo mér fannst þetta geggjað.

20150809_161636

Þessi lampi var inni í stofu. Amman hafði hnýtt skerminn. Birtan frá honum var ótrúlega skemmtileg.

IMG_20150809_013814

Ég hef oft verið að hugsa um hvað það væri gaman að hekla utan um glasamottur en aldrei fundið hentugar glasamottur til að hekla utan um. Amman var greinilega langt á undan mér, en hún hefur heklað þessar glasamottur fyrir mörgum árum.

20150809_170443

Ég fann heilan kassa af rúmfötum – með sögu – eins og kassinn var merktur. Rúmfötin voru dásamleg. Það var búið að setja í þau milliverk, dúllur og blúndur. Heklið svo fíngert að ég varð að rýna í það til að sjá hvort þetta væri ekki örugglega handgert en ekki búðarkeypt.

20150808_153007

20150808_153115

IMG_20150808_153506

Eftir því sem mér skilst voru amman og afinn með vinnuaðstöðu í kjallaranum. Afinn vann með tré og amman með ull. Kjallarinn er fullur af dýrgripum og mig hreinlega verkjaði mig langaði svo að taka margt af þessu með mér heim. Í kjallaranum voru vefstólar, rokkar, garnvindur, prjónavél, kambar, spunavélar, garn og ULL! Helling af ull.

20150809_162134

Rokkarnir. Tveir gamlir íslenskir og einn nýrri sem er af gerðinni Louet var mér sagt af öðrum hannyrðanörd.

20150809_161928

Vél sem kallast á ensku Lazy Kate og er “nútímagræja” til að spinna garn.

20150809_161510

Þetta borð er með fótstigi og einhverri vél og er að ég held nýtt til þess að spinna ull. En ég hef aldrei séð svona áður og hef því í raun enga hugmynd um hvað þetta er.

20150809_161458

Ýmsar hannyrðir. Útsaumur og vefnaður.

20150808_135007

20150809_162125

Í þessum kössum er ull og ekkert nema ULL. Í stóra brúna kassanum og hvítu fötunni er angóruull. Amman ræktaði kanínur og vann af þeim ullina, barnabörnin nutu svo góðs af að fá prjónaðar flíkur sem voru dásamlega mjúkar.

20150809_161056

Amman var í því að jurtalita ull. Ég þykist viss um að þessi ull sé lituð af henni.

20150809_160939

Í kjallaranum var að finna helling af ull. Ég var ekki klár á því hvað var spunnið af ömmunni og hvað ekki. En ég fann eitthvað af garni sem ég er viss um að sé litað og spunnið af ömmunni.

20150809_161340

20150809_161427

20150809_161441

Ég fann nokkrar stílabækur meðal prjónablaðanna. Amman hafði greinilega skrifað hjá sér minnispunkta um verkefnin sem hún gerði. Fannst þetta afskaplega dýrmætt.

IMG_20150809_155853

Ég eyddi nú ekki allri helginni í kjallaranum að snúast í hringi um ull. Ég átti góðar stundir með fjölskyldunni og vinum. Við Maía Sigrún tókum nokkra góða göngutúra á nærliggjandi sveitabæ að skoða kýrnar, hænurnar og hestana.

20150808_173024

Maía tók sig vel út í sveitinni í vaðstígvélum og færeysku peysunni sem amma hennar prjónaði á hana.
Það er sko gott að eiga góða ömmu!

Nördakveðjur
Elín

Heklaður skvísu kragi – uppskrift í Bændablaðinu

Ég var að taka til og fara í gegnum alls kyns dót í nýju vinnunni minni (aka nýju búðinni okkar) og fann heklaðann kraga. Mér finnst svona kragar svo flottir og í hvert sinn sem ég sé mynd af svona kraga þá langar mig að hekla svoleiðis. Finnst svo sætt að sjá litlar stelpur í fínum fötum með svona kraga. Og finnst svo töff að sjá flottar týpur með svona kraga.

skvísukragi8

Ég hugsaði með mér að yngri stelpum gæti fundist flott að eiga kraga úr svona glimmer garni og ákvað því að hekla kraga á Maíu dóttir mína og Aþenu systurdóttur. Og þannig varð þessi skvísukragi til. Uppskriftin er í raun sú sama nema ég fækkaði umferðum.

skvísukragi3

skvísukragi1

Aþenu fannst kraginn sem ég heklaði handa henni æðislegur. Hún elskar allt sem er bleikt svo kannski var það nóg…en ég held að henni hafi fundist kraginn flottur líka. Maía kippti sér ekkert sérstaklega upp við sinn kraga, sem er ekkert óeðlilegt þar sem hún er bara 20 mánaða.

Aþena mín var meira en til í að pósa fyrir mig á nokkrum myndum.

skvísukragi5 skvísukragi4

Fröken Maía Sigrún var ekki alveg jafn liðleg og vildi bara borða sand. Myndirnar urðu mjög skemmtilegar fyrir vikið…en ekki alveg myndir sem eiga heima í Bændablaðinu.

skvísukragi6 skvísukragi7

Uppskriftin birtist í Bændablaðinu í dag á bls. 49, einnig er hægt að sækja hana rafrænt hérna á síðunni okkar.

Njótið vel c”,)
Heklkveðjur Elín

Tags: , , ,

Litlar jóladúllur – uppskrift

 

Þessar litlu jóladúllur eru með klassísku sniði. Eins og svo oft áður þá sótti ég innblástur i gamalt hekl. Ég elska að finna gamlar dúllur á nytjamörkuðum og nota mynstrin úr þeim til þess að skapa eitthvað nýtt.

IMG_8894 copy

Það er ótrúlega einfalt að hekla þessar dúllur og í raun svo einfalt að það varð erfitt að skrifa uppskriftina niður. Það vill oft verða þannig að erfiðast er að útskýra það einfaldasta. Þið kannist kannsi við það?

IMG_8896 copy

IMG_8900 copy

 

Eftir að dúllan hefur verið hekluð má títa hana niður og móta. Bæði er hægt að hafa hana sexhyrnda og hringlótta. Ég var ekkert að stífa dúllurnar mínar, notaði bara hreint vatn.

IMG_8899 copy

Ég nota dúllurnar mínar undir kertastjaka. En það mætti einnig tengja þær saman og gera stærri dúk.

IMG_8902 copy

Þið getið sótt uppskriftina í pdf skjali eða bara hér fyrir neðan.

Skammstafanir
á hekli:

LL – loftlykkja
LLbogi – loftlykkjubogi
FP – fastapinni
HST – hálfstuðull
ST – stuðull
sl. – sleppa

Fitjið upp 10 LL eða gerið töfralykkju

1. umf: Heklið 3 LL (telst sem ST), 23 ST í hringinn.

2. umf: Heklið 9 LL (telst sem ST og 6 LL), [ST í næstu 4 ST, 6 LL] x 5, ST í síðustu 3 ST, lokið umf með KL í 3ju LL af þeim níu sem heklaðar voru í byrjun umf.

3. umf: Heklið KL yfir í næstu LL, 3 LL (telst sem ST), 10 ST í sama LLboga, [11 ST í næsta LLboga] x 5, lokið umf með KL í 3ju LL af þeim þrem sem heklaðar voru i byrjun umf.

Hér eftir er eingöngu heklað í aftari lykkju stuðlanna.

4. umf: Heklið KL yfir í næsta ST, 3 LL (telst sem ST), ST í næstu 8 ST, 2 LL [sl. 2 ST, ST í næstu 9 ST, 2 LL] x 5, lokið umf með KL í 3ju LL af þeim þrem sem heklaðar voru í byrjun umf.

5. umf: Heklið KL yfir í næsta ST, 3 LL (telst sem ST), ST í næstu 6 ST, 4 LL, FP í LLboga, 4 LL, sl. ST, [ST í næstu 7 ST, 4 LL, FP í LLboga, 4 LL, sl. 1 ST] x 5, lokið umf með KL í 3ju LL af þeim þrem sem heklaðar voru í byrjun umf.

6. umf: Heklið KL yfir í næsta ST, 3 LL (telst sem ST), ST í næstu 4 ST, 4 LL, FP í LLboga, 5 LL, FP í LL boga, 4 LL, sl. ST, [ST í næstu 5 ST, 4 LL, FP í LLboga, 5 LL, FP í LLboga, 4 LL, sl. ST] x 5, lokið umf með KL í 3ju LL af þeim þrem sem heklaðar voru í byrjun umf.

7. umf: Heklið KL yfir í næsta ST, 3 LL (telst sem ST), ST í næstu 2 ST, [4 LL, FP í LLboga, 5 LL, FP í LLboga, 5 LL, FP í LLboga, 4 LL, sl. ST, ST í næstu 3 ST] x 5, 4 LL, FP í LLboga, 5 LL, FP í LLboga, 5 LL, FP í LL boga, lokið umf með 1 LL, ST í 3ju LL af þeim þrem sem gerðar voru í byrjun.

8. umf: Heklið FP utan um ST sem var gerður til að loka fyrri umf, [5 LL, FP í næsta LLboga] endurtakið út umf, lokuð umf með KL í fyrsta FP umf.

9. umf: Heklið FP, HST, ST, LL, ST, HST, FP í hvern LLboga umf, lokið umf með kl í fyrsta FP umf.

 

Njótið vel og góða skemmtun að hekla
Elín 

Ég fór til útlanda…

…í sumarfríinu mínu. Nánar til tekið Svíþjóðar og Danmerkur. Við hjónin fórum með unglinginn og smábörnin að heimsækja ættingja. Þar sem þetta var fjölskyldufrí þá ákvað ég að setja handavinnuþráhyggjuna mína að mestu til hliðar og hafa fjölskylduna í forgangi.

Það þýddi að ég verslaði bara smá garn og heimsótti bara nokkrar búðir. OG það sem merkilegast er! Ég heklaði bara á kvöldin eftir að börnin voru sofnuð.

Svíþjóð:

Í Svíþjóð vorum við í Lundi. Ég verð að segja að mér finnst gamli bærinn í Lundi alveg hreint yndislegur. Öll þessi litlu hús og litagleðin gleðja mig afskaplega mikið. Ég hafði mjög gaman af því að rölta um og skoða umhverfið.

20140805_161648

20140805_151204

Það var í einum göngutúr sem ég rak augun í þessar hekluðu gardínur. Einfaldar en fallegar. Varð að stelast til að mynda þær.

IMG_20140805_174004

Ég elska að fara í Góða Hirðinn og mátti því til að kíkja inn í tvær Second Hand búðir sem ég fann í Lundi. Önnur þeirra var í niðurgröfnu kjallara með steingólfum og var lofthæðin þar heilir 176 cm. Í báðum búðunum fann ég hekl og gramsaði auðvitað í gegnum það. Mér finnst fátt jafn skemmtilegt og að finna fallegt “gamalt” hekl.

20140731_152924

20140731_151346

20140731_151146

Oft þegar ég finn reglulega fallegt hekl í svona búðum kaupi ég það. Ég varð heldur betur að velja og hafna í Svíþjóð en gat ekki stillt mig um að kaupa þennan fallega dúk. Planið er að strekkja aðeins úr honum og finna honum góðan stað heima.

IMG_20140731_175620

Ég fór líka í eina garnbúð í Lundi. Tók engar myndir en keypti mér smá garn.

Danmörk:

Í Danmörku vorum við í Köben. Ég er alltaf jafn hrifin af Köben, mér líður svo vel þar. Mér finnst ég alltaf sjá eitthvað spennandi þegar ég er á röltinu þar um. Eins og til dæmis þetta fallega hús skreytt áttablaðarósum og meiru.

20140811_113754

 Og þetta garngraff.

20140811_113924

Á rölti eftir Norrebrogade rak ég augun í second hand búð og skaust í hana. Þar var að finna marga góða gripi og helling af drasli. Niðrí í kjallaranum var þetta handavinnuhorn.

20140811_112452

Það var fullt af hekli þarna. Bunki af tuskum/þvottapokum sem kostuðu 5 dkr. stykkið og margir löberar á 20 dkr. Ég keypti ekki neitt en hefði kannski betur gert það því ég er enn að hugsa um einn löberinn þarna.

20140811_111152

Það var mikið af mjög fíngerðu hekli þarna. Þessi rauði dúkur var ekki mikið stærri en glasamotta.

20140811_112325

Þessir servíettuhringir voru svo smáir að ég varð að taka mynd af þeim. Setti fingurbjörg á myndina til að sýna stærðina hlutfallslega.

20140811_112159

Mér finnst þetta bara magnað!

20140811_112223

Sofia frænka býr úti og fór með mig í smá garnleiðangur. Við náðum ekki nema einni garnbúð, Therese Garn á Vesterbrogade, en hún var sko heljarinnar upplifun. Mamma og Sofia hafa sagt mér frá þessari búð en sjón er sögu ríkari. Búðin er svo stútfull af garni að það er eiginlega ekki hægt að lýsa því. Um leið og ég steig út úr strætó blasti litadýrðin við fyrir utan búðina hjá henni.

20140811_165221

Búðin er svo full af garni að það komast ekki nema tveir fyrir þar í einu. Það er svona lítil slóð um búðina sem þú getur gengið eftir innan um haugana af garni sem hægt er að gramsa í. Þessi búð er ekki bara með helling af garni heldur helling af karakter líka.

20140811_165734

Þetta garn minnti mig á naggrísi. Fannst það svo fyndið að ég varð að mynda það.

20140811_165711

Hit Ta-Too garnið er til í svo fallegum litum.

20140811_170804

Í búðinni var fullt af tilboðum og auðvitað keypti ég mér 10 dokkur af bómullargarni hjá henni. 10 dokkur á 3000 kall er ekki svo slæmt.

20140811_165358

 Ísland:

Þegar heim var komið varð ég auðvitað að taka saman garnið sem ég keypti og fara yfir það. Verð að játa að ég var ekki sérlega skipulögð heldur keypti ég bara það sem mér fannst fallegt. Komst að því að mér finnst greinilega vatnsblár (aqua blue) fallegur litur því ég keypti þann lit í hverri verslunarferð. Bómullargarn er afskaplega vinsælt hjá mér um þessar mundir svo ég verslaði það bara.

20140813_200311

20140813_200541 (1)

20140813_200701

20140813_200758

20140813_200831

Sofia frænka gaf mér nokkrar dokkur af garni úr safninu sínu.

20140813_201747

Ég er sorglega ánægð með allt nýja garnið mitt og er sko byrjuð að hekla úr því.

IMG_20140813_210344

Garnkveðjur
Elín

 

Maíu smekkur – frí uppskrift

Mig langaði til að hekla smekk á Maíu sem ég gæti notað sem matarsmekk. Hún slefar ekkert af viti svo mig vantaði ekki slefsmekk. Ég fann nokkrar uppskriftir af smekkjum á netinu og prufaði einhverjar þeirra. Þrátt fyrir að þetta væru allt fínustu smekkir þá var ég ekki að finna neinn sem mér fannst nógu einfaldur. Ég var ekki að nenna neinu dúlleríi.

Dag einn var ég að gramsa í Rauða kross búðinni og fann gamlan heklaðan smekk. Hann var stílhreinn og einfaldur, einmitt það sem ég var að leita að, svo ég keypti hann. Þessi gamli smekkur var fyrirmyndin að Maíu smekknum.

027 copyÉg notaði Mirabela bómullargarn í smekkina, keypt í Handprjón. Það er örlítið gróft í sér og mikið sanserað. Þessir eiginleikar gera það að verkum að efnið dregur ekki í sig það sem sullast á smekkinn. Þegar Maía er búin að borða þá skola ég bara af smekknum eftir þörf í vaskinum og legg smekkinn svo til þerris, svo er hann tilbúinn til notkunar aftur. Ég hendi þó smekkjunum líka í þvottavélina við og við.

Annað frábært við Mirabela garnið er að það er geggjað gott litaúrval í því. Næstum því of mikið. Ég fékk allavegana valkvíða þegar ég var að versla mér garn. Langaði helst í alla litina.

051 copy

Smekkirnir eru soldið krumpaðir þegar búið er að hekla þá. Í fyrstu var ég að vesenast með að títa þá niður og bleyta í þeim til að móta þá. En eftir að hafa sett smekkina í þvottavélina í fyrsta sinn þá komst ég að því að það er einfaldlega hægt að bleyta þá og leggja þá til þerris. Þegar þeir þorna hafa þeir mótast og eru reddí.

035 copy

Ég er búin að hekla nokkra smekki fyrir Maíu og þónokkra til viðbótar. Ætla að gefa nokkra smekki til kunningja fólks okkar sem eru að eignast börn á næstunni.

039 copy

043 copy

046 copy

001 (2) copy

006 (2) copy

Ég er ekkert nema ánægð með útkomuna. Fröken Maía er glöð. Er þá ekki tilgangnum náð?

025 copy

 

Ef þig langar að prufa að hekla eitt stykki Maíu smekk
þá getur þú sótt þér uppskriftina hér.

Heklkveðjur
Elín

Tags: , , ,

Handavinna & Endurvinnsla

Þar sem ég hef verið að kynna mér endurvinnslu betur síðast liðna mánuði og er farin að endurvinna meira heima þá fannst mér tilvalið að vinna verkefni í skólanum út frá endurvinnslu hugtakinu þegar það stóð til boða. Sjálfbærni, endurnýting og endurvinnsla spila stór hlutverk í nýrri aðalnámskrá í öllum fögum grunnskólans, líka Textílmennt. Eftir að ég byrjaði í námi hef ég komist að því að textíliðnaðurinn er svakalega mengandi, en ég hafði ekki hugmynd um það áður fyrr.

Þessar myndir eru af prufum sem ég gerði fyrir verkefnið. Hugsunin var að fá börn (og fullorðna) til þess að sjá notagildi úr verðlausum hlutum sem færu venjulega i ruslið. Hugsa út fyrir kassann og skapa eitthvað óvenjulegt. Þetta eru alls ekki flókin textílverk en duga til að æfa einföldustu handtökin í nokkrum textílþáttum og fingrafimi.

Ef þú setur músabendilinn yfir myndirnar sérðu hvaða efniviður var notaður.
Einnig er hægt að smella á myndirnar til þess að skoða þær stærri.

Handavinnukveðjur
Elín

Tags: , , , , , , , , , , , , , , , , , , , , , ,

Útsaumur og hugmyndavinna

Ég er í áfanga í skólanum þessa önnina sem ég er voða skotin í og hef mikið gaman af.

Eins og nafnið gefur til kynna þá er kenndur útsaumur. Við byrjum önnina á að sauma sem og á lita- og formfræði.  Ég er búin að gera nokkur verkefni sem ég ætla að deila með ykkur seinna en fyrst langar mig að deila með ykkur smá af hamingjunni í skólastofunni. Ég veit ekki með ykkur en efni, garn og litir gera mig afskaplega hamingjusama.

Fyrst er það efnið sem við saumum í:

imageÍslenskur ullarjavi

imageMisgróf javaefni fyrir þráðabundinn útsaum

imageMisjöfn efni, ekki þráðabundin fyrir frjálsan útsaum

 

Svo er það garnið. í öllum þessu litum:

imageÉg lærði að þekkja muninn á perlugarni og árórugarni

imageUllargarn

imageUllargarn

imageÁrórugarn

imageÁrórugarn

imageFínt perlugarn

imageFínt perlugarn

imageGróft perlugarn

imageGróft perlugarn

 

Í þessum áfanga munum við líka þrykkja á efni:

imageVinnuaðstaðan

imageÁhöld til að þrykkja.
Mér finnst svo yndislegt hvað það er hægt að nota hversdagslega hluti til þess að skapa eitthvað nýtt.

imageHér má sjá stálhring af heftiplástri, lok af kremi, lok af snyrtivörum og stút af kítti.
Allt hlutir sem færu í ruslið en eru í skólanum notaðir til að föndra.

 

Svo er það útsaumurinn sem kennarinn okkar, Fríður Ólafsdóttir, hefur sjálf gert og er með til sýnis:

imageSvartsaumur – mig langar svo að læra svona

imageHolbein saumur – hef aldrei séð svona áður en langar mikið að læra.

imageHerpisaumur – aldrei heyrt um þetta heldur

imageMjög töff bókamerki gert með þræðispori í java (held ég).

Það er í svona áföngum sem mér finnst ég svo sannarlega heppin að vera að læra það sem ég er að læra. Hlakka til að sýna ykkur meira eftir því sem líður á önnina.

Útsaumskveðjur
Elín c”,)

Góði Hirðirinn

Ég hef alveg svakalega gaman af því að fara í Góða Hirðinn. Ég fór í vikunni aðeins að kíkja og aldrei þessu vant þá var allt stútfullt af handaverki þar. Misflott allt saman en ég hef voða gaman af því að finna svona “gamalt” handverk og mögulega nýta það til þess að skapa eitthvað nýtt.

image

Heklaður púði. Ömmu ferningur öðrum megin…

image

…og eitthvers konar blóma tígla ferningar hinum megin.

image

Fínasta heklaða teppi á því sérstaka verði 2.150 kr.
Sem er nú gjöf en ekki gjald fyrir gott heklað teppi.

image

Nærmynd af ferningnum.

image

Á þessari önn er ég í Útsaums áfanga í skólanum og því er ég að pæla mikið í útsaum þessa dagana.

image

Annað heklað teppi. Það voru til tvö eins af þessum grip.

image

Útsaumað púðaver…óklárað.

image

Skemmtilegt að hafa svona stjörnur í stað venjulegs krosssaums.

image

Eldhúsmynd með fallegu mynstri.

image

Spes dúkka. Fannst hún eiginlega bara verða að vera með.

image

Útsaumur á priki. Mögulega skólaverkefni hjá einhverju barni.

image

Nokkrir útsaumshringir. Hefði líklegast keypt einn eða tvo ef ég hefði ekki gleymt að taka kortið mitt með.

image

Grófur javi og plast javi. Hefði verið til í að kaupa plast javann.

image

Garn.

image

Pottaleppar.

image

Jólamyndir

image

Önnur jólamynd.

image

Þessi mynd var svo æðisleg. Frjáls útsaumur einmitt með þeim sporum sem ég er að læra á þessari önn. Flottur innblástur.

image

Á þessari nærmynd sést hvernig er búið að gera blóm og laufblöð með því að sauma
Flatsaum, Sikk-sakkspor, Lykkjuspor eða Keðjuspor og mögulega Varplegg ef ég sé rétt.

image

Töff útsaumuð mynd. Held að þetta sé Flatsaumur.

image

Önnur mynd sem ég er nokkuð viss um að sé Flatsaumur líka.

image

Krosssaumsmynd. Klassík.

image

Fannst svo fallegt mynstur í þessari mynd.

image

Þessi mynd fær mig til að brosa og velta fyrir mér hvar hún hefur hangið uppi.

image

Prjónuð peysa. Mögulega úr Einbandi.

image

Frekar flott mynd. Finnst alveg hreint geggjað að hún sé saumuð út eins og teppi.

image

Veit samt ekkert hvað þessi saumur heitir.

image

Önnur mynd sem er saumuð á sama veg. Ef þetta eru ekki listaverk þá veit ég ekki hvað.

image

Töff veggteppi með þrívíddar ferningum. Langar að prufa að sauma út þetta mynstur og sjá hvort þrívíddin komi hjá mér líka.

image

Enn eitt listaverkið. Saumuð veggmynd.

image

Og að lokum saumaður pottaleppi. Mér finnst þetta vera soldið jóló.

Ég veit ekki hvort ykkur finnst þessir gripir jafn spennandi og mér. En mín upplifun af því að skoða gamalt handverk er hreinlega eins og að vera á listasafni. Enda finnst mér handverk vera list.

 

Elín c”,)

Garngraff á Hlemmi

Í gær vorum við að Graffa Hlemm og það var alveg æðislegt verð ég að segja ykkur. Ég ætlaði mér að vera þarna í svona 2 tíma en bara gat ekki farið. Ég endaði á að vera í 6 tíma og það var ekki fyrr en ég kom heim að ég fann hvað ég var þreytt. Mamma mætti með mér, saumaði saman dúllur eins og vindurinn og hengdi upp. Þetta var fyrsta graffið hennar.

Viðburðurinn var ótrúlega vel heppnaður og það var svo gaman að sjá hvað það voru margir gestir og gangandi sem tóku þátt. Fólk á öllum aldri. Ég fékk meir að segja hann Mikael minn til að hjálpa aðeins til.

Myndir segja meira en þúsund orð…svo ég ætla að leyfa þeim að segja rest.

Hekl-kveðjur
Elín c”,)

128 copy

132 copy

133 copy

138 copy

141 copy

145 copy

147 copy

148 copy

149 copy

150 copy

162 copy

165 copy

166 copy

168 copy

169 copy

171 copy

174 copy

176 copy

177 copy

178 copy

179 copy