Category Archives: Vettlingar

Ég datt í ungbarnaprjón….

Það er eitthvað við þessar litlu flíkur á nýfæddu krílin, það er svo gaman að prjóna þau. Ekki af því að maður er svo snöggur heldur þau eru svo krúttleg. Yngsta barnabarnið mitt er 4ra ára en einhverja þörf fékk ég í byrjun ársins á því að prjóna nokkrar flíkur á lítið kríli.

Ég er svo heppin að geta svalað prjónaþörf minni og prjónað fyrir búðina ef enginn er í kringum mig að prjóna á það sem mig langar að gera. Ég var á leið í aðgerð á hné og vissi að ég þyrfti að vera heima nokkuð lengi svo ekki mátti vanta prjónaverkefni. Ég fékk hana Maríu lánaða til að vera módel fyrir mig á flíkur ætlaðar 3 mánaða aldri eða svo.

Fyrsta verkefnið var þessi fallegi kjóll.

Tilda kjolebody – úr bókinni Klompelompe Sommerbarn
Stærð: 0-1 mánaða
Garn: Drops BabyAlpaca Silk – litur nr 1760

Næsta peysa var búin að vera í kollinum á mér í um 2 ár en ég hafði aldrei komið því í verk að prjóna hana og skrifa niður uppskrift. En þar sem ég var föst heima var ekkert annað í stöðunni en að koma sér að verki.

Emilía, ungbarnapeysa og -húfa
Stærðir: (0-1) 3 (6) 9 (12) mánaða
Garn: Drops Baby Merino
– litir: púður nr 44 og ametyst nr 40

Fallega María (2,5 mán) sem ég fékk lánaða sem módel

Svo kom að því að Drops birti nýjar ungbarnauppskriftir og féll ég alveg fyrir húfunni í þessari uppskrift og bara varð að prjóna eitt stykki.

Gula settið – samsuða úr Drops uppskriftum héðan DROPS BABY / 29
Stærðir: 0 mánaða til 4 ára
Garn: Drops Baby Merino
– litir: sítrónupunch nr 45 og dökkgrár nr 20

Þessi guli litur er nýr hjá þeim og ákvað ég að prjóna peysu og buxur við húfuna. Úr varð þetta sett:

Uppskriftina af peysunni fékk ég á Garnstudio en skipti út kaðlinum og setti inn falskan kaðal eins og í húfunni.


María krútt komin í settið

Baby Merino garnið er yndislegt að prjóna úr og hentar mjög vel í ungbarnafatnað. Ég held einnig mikið uppá Drops Cotton Merino.

Það er mjög vinsælt að prjóna skriðbuxur á lítil börn (e. romper). Þessi uppskrift er ekki mjög grípandi á síðunni hjá Garnstudio en uppskriftin er auðveld og skemmtilegt að prjóna þessar skriðbuxur.

Petit Lutin – romper
Stærðir: 1/3 – 6/9 – 12/18 mánaða
Garn: Drops Cotton Merino

Verð að láta þessa mynd með. María blessunin var mynduð í buxunum öfugum 🙂 Að sjálfsögðu á smekkurinn að vera framan á barninu, en falleg er flíkin.

Svo fann ég þessa uppskrift fría á netinu, tilvalið að nota afganga í þessa. Aþena ömmugull sá minna parið hjá mér og bað mig um að prjóna á litlu systur sína vettlinga líka. Fjólublátt og hvítt þykir Aþenu svo fallegt saman og valdi þá liti handa litlu systur sinni.

Miniselbu eftir Tinu Hauglund
Stærðir: 3-6 (6-9 m) 9-12 mánaða
Garn: Drops Baby Merino

Svo komu nú gleðifréttir til mín um miðjan mars – mitt 6. barnabarn er á leiðinni – mikil gleði en foreldrarnir ætla ekki að fá að vita kynið. Svo ég, amman, get nú aldeilis farið að láta mig hlakka til og prjóna eins og vindurinn á væntanlegt ♥ ömmugull ♥

Strákur eða stelpa – kemur í ljós

Prjónakveðja,
Guðrún María

Tags: , , , ,

Hekl uppgjör 2015

Þegar ég var að hugsa um að skrifa þessa færslu fannst mér ég ekki hafa komið miklu í verk þetta árið – handavinnulega séð. En eftir að hafa flett í gegnum myndir ársins sá ég að ég tók upp á ýmsu.

Kláraði löber sem átti að vera jólagjöf.

IMG_9151 copy

Mágur minn varð þrítugur og fékk þessa mynd. Myndin var samvinnuverkefni fjölskyldunnar, unglingurinn hannaði kafbátinn og við hjónin saumuðum út.

 

IMG_20150117_204205

Lítill herramaður að nafni Daníel fæddist í janúar og fékk þetta teppi að gjöf.

IMG_9142 copy IMG_9138 copy

Jóhanna amma dó í febrúar. Hún fór reglulega með þessa bæn fyrir barnabörnin og fór þessi mynd með henni í kistuna.

IMG_20150219_112923

Við Guðmunda kisa eyddum mörgum stundum saman með handavinnuna.

IMG_20150330_112700

Fór í vettvangsnám sem kennaranemi og fék að kenna 5. bekkingum að vefa.

IMG_20150311_164833

Fór til Færeyja í apríl á Prjónafestival sem var vægast sagt æðislegt. Færeyingar eru höfðingar heim að sækja, landið fallegt og ég var barnlaus í heila viku. Þvílíkur lúxus!

IMG_20150417_180333

Í Færeyjum kenndi ég frændum mínum Pauli og Tóki að graffa. Þeir voru mun spenntari fyrir þessu en ég bjóst við og skreyttu garðinn sinn með hekli.

IMG_20150418_153911

IMG_20150418_152950

Ég prjónaði og labbaði á sama tíma…og fannst ég frekar töff.

IMG_20150418_231810

Fór á vinnustofu og lærði nýtt prjón. Notaði þessa nýju færni til þess að graffa fyrir utan húsið hjá Tínu frænku og Sigurd í Fuglafirði.

Graff1

Graff2

Graff4

Heklaði samt líka i Færeyjum og hannaði þetta teppi. Garnið er færeyskt og munstrið er fengið af færeyskri peysu. Nýji eigandinn er þó íslenskur herramaður að nafni Arnór sem fæddist í maí. Liturinn var sérstaklega valinn fyrir mömmu Arnórs.

IMG_20150505_190904

IMG_20150505_191233

IMG_20150505_191444

Jurtalitaði garn með lauk. Byrjaði að prjóna vettlinga en komst aldrei lengra en þetta.

IMG_20150531_185851

Keypti garnbúð með mömmu. Það er nokkuð merkilegt.

IMG_20150822_155631

Heklaði utan um steina.

IMG_20150510_180243

Skellti í Horna á milli púða sem var skemmtilega glitrandi.

IMG_20150527_163938

Heklaði mér Kríu sjal. Löngu á eftir öllum öðrum.

IMG_20150528_110514 IMG_20150908_230119

Átti margar góðar stundir úti í góða veðrinu með hekl, kaffi og krakkana.

IMG_20150626_002814

Byrjaði að hekla púða…er næstum því búin með hann.

IMG_20150815_151826

Byrjaði á mörgum öðrum verkefnum sem ég mun liklegast aldrei klára.

IMG_20150828_102320

Heklaði þessa peysu. Finnst hún frekar flott þótt ég segi sjálf frá.

20150702_134846

Heklaði nokkrar krukkur eins og vanalega.

20150911_191334

Heklaði skvísukraga fyrir Maíu og Aþenu. Maía var ekki alveg að vinna með mér í myndatökunni.

20150621_180144 20150621_131335

 

Áttaði mig á því að ég er með bómullarblæti.

IMG_20150706_230508

Heklaði þrjár mandölur til heiðurs heklara sem tók sitt eigið líf.

IMG_20150716_015525 IMG_20150716_015922 IMG_20150716_020029

Eiginmaðurinn fann einu sinni mynd af hekluðum typpum á netinu og sagði: “Þú mátt hekla svona handa mér”. Sem ég gerði og gaf honum í brúðkaupsafmælisgjöf.

IMG_20150731_223532

Prufaði ný munstur.

IMG_20150719_233327

Tók heklið oftar en ekki með mér á kaffihús.

IMG_20151011_213314

Kláraði fánalengju sem ég byrjaði á fyrir löngu síðan.

IMG_20151010_210019

Graffaði ljósastaur fyrir utan vinnuna.

IMG_20150821_160739

Bjó til “nýtt” garn úr afgöngum og prjónaði utan um herðatré.

IMG_20151009_172055

Fór til Köben og kenndi námskeið í tvöföldu hekli. Verð að játa að ég var frekar stressuð að kenna í fyrsta sinn á öðru tungumáli en íslensku. Að sjálfsögðu voru dönsku heklararnir ekkert nema almennilegir og námskeiðið gekk vonum framar.

IMG_20150926_163130 IMG_20150927_112400 IMG_20150927_115852 IMG_20150927_115725

Heklið var tekið með trompi í Köben. Meir að segja mamma lagði prjónana til hliðar og heklaði eins og vindurinn.

IMG_20150926_222242

Heklaði fyrsta teppið mitt með tvöföldu hekli. Var búin að steingleyma því. Á algerlega eftir að mynda það og monta mig.

IMG_20150923_174245

Byrjaði að hekla Vírussjalið sem tröllreið öllu. Var hálfnuð þegar ég rakti allt upp vegna villu. Mér til varnar þá var þetta frekar stór villa.

IMG_20151019_155524

Fyrir vikið var seinni útgáfa sjalsins einstaklega vel heppnuð.

IMG_20151029_122229

Heklaði sokkaleista sem eru víst meira tátiljur.

IMG_20151015_140642

Notaði mömmu sem fóta módel. Það fór henni bara vel.

IMG_20151015_140109

Heklaði þennan fína hálskraga úr Navia ullinni. Guli liturinn var í uppáhaldi hjá mér þetta árið.

20151018_164450

Byrjaði á OG kláraði teppið Hjartagull. Það er án efa eitt af því fallegasta sem eg hef heklað.

IMG_20150802_204521

IMG_20150830_174919

Heklaði vettlinga. Ekki bara eitt par heldur tvö.

IMG_20150903_142958 IMG_20150908_202209 IMG_20150908_202128

Jólaskraut er eitt af því sem ég elska að hekla. Byrjaði alltof seint að hekla fyrir jólin. Hefði þurft að byrja í september til að komast yfir allt sem mig langaði til að hekla. En það koma jól eftir þessi jól.

IMG_20151109_120619

Þessi stóra bjalla lifði ekki lengi. En það sullaðist yfir hana kaffi. Ég þarf að fara að læra að geyma kaffið mitt lengra frá kaffinu.

IMG_20151112_142203

Uppáhaldsverkefni ársins eru jólakúlurnar mínar. Þær eru alla vegana uppáhalds núna. Mér finnst þær fullkomnar og þær eru svo dásamlega fallegar á jólatrénu mínu.

IMG_20151228_103941 IMG_20151228_104001 IMG_20151228_104037 IMG_20151228_104049 IMG_20151228_104019

 

Nýja árið leggst vel í mig. Vona að það sama eigi við um þig.
Óska öllum gæfu, gleði og sköpunar á nýja árinu sem er að ganga í garð. Takk fyrir það gamla.

Elín

Af hverju endurskinsgarn?

Í dag eru 2 ár síðan elsta barnabarnið mitt lagði af stað í myrkrinu á leið í skólann. Hann stoppaði við gangbrautarljós og beið eftir að græni karlinn birtist svo hann kæmist yfir hina umferðaþungu Miklubraut. Ekki vildi betur til en svo að strætisvagn keyrði á hann (strákurinn á grænu, strætó á rauðu ljósi)….hörmulegt slys og mikið áfall. Þetta er símtal sem enginn vill fá; Mikael varð fyrir strætó. Amma og mamma voru þennan daginn uppi á gjörgæslu þar sem hann fékk mikið höfuðhögg.

mikael slys

Hann slapp ótrúlega vel og eyddi nóttinni ásamt móður og systur á Barnaspítalanum en fór heim daginn eftir. Stokkbólgið og marið andlit og fótbrotinn.

mikael slys1

Mikael eins og margir unglingar var dökkklæddur og strætisvagnabílstjórinn sá hann ekki en keyrði yfir á rauðu ljósi.

Við erum svo heppin hér á Íslandi að við erum allmargar mæður, ömmur, frænkur, systur og jú karlpeningur líka sem kunnum að prjóna. Þegar Facebook handavinnusíður eru skoðaðar er mikið af fallegri handavinnu póstað þar okkur til ánægju og gleði. Húfur og vettlinga eru margir að prjóna nú í haust og vetur.

Litlu barnabörnin mín eru engin undantekning þar og fengu þau öll sína kaðlahúfu fyrir haustið.

Hjartakaðall6m Kaðlahúfan Matti3m Kaðlahúfan Polku Myssy3
Aþena Hjartakaðlahúfa, Móri kaðlahúfan Matti og Maía kaðlahúfan Polku Myssy

Aftur á móti þegar ég kynntist Glühwürmchen endurskinsgarninu var ekki aftur snúið. Ullarblandað garn með miklu öryggisatriði; endurskinsþráður! Þráðurinn er vafinn í garnið svo börn og fullorðnir sem bera flík úr þessu garni eru vel sýnilegir í myrkrinu.

Það er því miður oft þannig að endurskinsmerki þykir ekki “smart” hjá sumum aldurshópum en endurskinsþráðurinn í garninu sést varla í birtu en í rökkri/myrkri skín hann skært ef að ljósi er beint að honum.

Mitt litla fólk hefur fengið húfur prjónaða úr endurskinsgarni.

Endurskinshúfur5 Endurskinshúfur7
Maía í dagsbirtu og myrkri, sjáið hvernig húfan lýsist upp þegar ljós fellur á hana í myrkri

Endurskinshúfur4 Endurskinshúfur6
Móri í dagsbirtu og myrkri, sjáið hvernig húfan lýsist upp þegar ljós fellur á hana í myrkri

Zebrafisken rave Zebrafisken rave1
Garðaprjónshúfa (mynd fengin að láni frá Zebrafisken á Ravelry) með kaðli, í dagsbirtu og myrkri

trixiebacon

Þessi húfa er prjónuð úr gulu endurskinsgarni og bleiku garni í svipuðum grófleika
(mynd fengin að láni frá trixiebacon á Ravelry)

 

hundur endursk 1 dokka

Fyrir hunda og jafnvel hálsól fyrir ketti = fyrir alla
(mynd fengið að láni frá marasp á Ravelry)

Elín dóttir mín hefur pantað legghlífar handa sér, unglingurinn vettlinga og bóndinn húfu.

Húfan Kertalogi er næst á prjónana hjá mér í jólapakka. 1 dokka af þessu garni dugar í fullorðinshúfu, á prjóna nr 6-7mm. Ég hef séð nokkrar útfærslur af húfum og koma þær vel út sem kaðlahúfur, perluprjón, garðaprjón bara hvað langar þig að prjóna?

Að sjálfsögðu færðu þetta frábæra garn færðu hjá okkur í Handverkskúnst og Gallery Spuna í Grindavík. Uppskrift af húfu eða vettlingum fylgir jafnframt með keyptu garni. 13 fallegir litir og allir ættu að finna sér lit við hæfi, smelltu hérna til að skoða litaúrvalið eða kíktu til okkar í verslunina.

Smelltu hérna til að kaupa þér endurskinsgarn eða komdu til okkar á Nýbýlaveg 32, Dalbrekkumegin.

Prjónaöryggiskveðja

  • Guðrún María

 

Tags: , ,

Lopavettlingar á leikskólabörnin

Lopavettlingar3_m

Eins og ég hef áður talað um hér á blogginu þá er stutt síðan ég byrjaði að prjóna úr íslenska lopanum. Ég hef ekki neina sérstaka skýringu á því aðra en að hann stingur og mig klæjar undan honum. Ég er aftur á móti alveg forfallin þegar kemur að börnum og Disney get endalaust prjónað eitthvað sem tengist Disney fígúrum og prinsessum.

Barnabörnin mín njóta í dag góðs af því og þegar hún Ása Hildur (Buffaló-Ása) kom með Frozen lopavettlingana í fyrra bara varð ég að heimsækja hana í prjónakaffið í Krika og prjóna eina handa Aþenu. Veit ekki hvor var spenntari fyrir þeim amman eða barnabarnið 🙂

Frozen vettlingar AR merkt

Til að gera langa sögu stutta þá voru þessir vettlingar notaðir í allan vetur og héldu höndum Aþenu hlýjum í kuldanum. Leikskólakennararnir á leikskólanum hennar sögðu mér að þetta væru albestu vettlingar fyrir  börnin þ.e. prjónaðir vettlingar úr lopa. Háir upp á handlegginn og svo þæfist lopinn við notkun í snjó og bleytu þannig að þeir eru afskaplega hlýir.

Það þurfti ekki að sannfæra ömmu meira og prjónaði ég nú í vikunni nýja vettlinga fyrir næsta vetur handa yngstu barnabörnunum mínum. Ég nota áfram uppskriftina hennar Ásu þar sem hún er einstaklega góð að prjóna eftir og smellpassar á litlar hendur. Í ár breytti ég um mynd á þeim eiginlega bara svo Aþena verði ekki aftur með Frozen vettlinga næsta vetur.  Móri fékk Batman vettlinga, Maía fær kanínu (er með fílavettlinga á myndinni en ég þarf að minnka þá aðeins fyrir hana) og Aþena fékk útgáfu af áttablaðarós.

Munstrin eru ekki mín heldur fann ég þau frí á netinu og læt þau fylgja hér með ef þið viljið prjóna þessa góðu vettlinga í fleiri útgáfum.

Lopavettlingar_m

 

Þó svo að það sé ekki kalt í dag þá held ég að Móri verði með vettlingana á höndunum, hann var himinlifandi með þessa Batman vettlinga. Aþena kallar sína Frozen þó svo þeir séu bleikir en Maía er bara glöð að vera með í liðinu.

Lopavettlingar2_m

Aþena Rós, Maía Sigrún og Mattías Móri, þrjú yngstu ömmugullin mín

Hérna finnur þú .pdf skjal

– með munstrunum

– uppskrift af vettlingunum

Prjónakveðja
Guðrún María

Tags: , , , , , , ,

Jólagjafir

Í ár fóru nokkrir hlutir frá mér í jólapakkana. Ég ætlaði að prjóna sokka handa öllum í jólagjöf en endaði á því að prjóna 4 sokkapör, 2 vettlingapör, sjal og utan um léttvínsflöskur.

Systurdætur mínar búa í Kaupmannahöfn. Sofia frænka er dugleg að biðja um alls konar vettlinga en Sunneva frænka er aftur á móti sú sem fær hnéháa sokka fyrir veturinn. Svo í þetta sinn fóru vettlingar í jólapakkann til hennar.

Rós vettlingar, uppskrift úr bókinni Tvöfalt prjón – flott báðum megin
Garn: Arwetta Classic (fjólublár og ljósbrúnn)
Prjónar:  nr 2½

Sunnevuvettlingar merkt minnkud

                                                                       Hlið A                                                                                                  Hlið B
Mágkona mín hún Debbie kom ásamt bróður mínum yfir jólin frá Seattle. Ég prjónaði á hana líka vettlinga.

Fugl vettlingar uppskrift úr bókinni Tvöfalt prjón – flott báðum megin
Garn: Mayflower sokkagarn (rautt og svart)
Prjónar: nr 2½

Fugl saman merkt

Fyrst ég var búin að prjóna tvenna vettlinga ákvað ég að prjóna líka á Ellý systur.

Opin stjarna vettlingar
Garn: 
Arwetta Classic (hvítur og deminblágrænn)
Prjónar: nr 2½

Opin stjarna saman merkt minkuð

 

Mágur minn hann Maggi, Pétur bróðir og Micha frændi fengur sokka. Ég hef aldrei prjónað handa þeim og þótti tilvalið að gefa þeim fallega sokka. Fyrir valinu urðu sokkar úr norskri sokkabók sem ég held mikið uppá, Sokker, strikking hele året eftir Bitta Mikkelborg, uppskriftin heitir Motorsyklistens pensokk

Péturs sokkar                                                     
Garn: Trekking Sport, deminblár
Skóstærð: 54
Prjónar: nr 2,75

Magga og péturssokkar3 m               Nærmynd af sokkunum, skemmtileg úrtakan við hælin

Magga sokkar                                                     
Garn: Trekking Sport, dökkgrár
Skóstærð: 43
Prjónar: nr 2,75

Magga og péturssokkar mBáðir voru alsælir með sokkana sína og þeir smellpössuðu

 

Micha sokkar
Garn: Opal sokkagarn, blátóna
Skóstærð: 39
Prjónar: nr 2½

Sokkar micha merkt m

Skottan hún Stína frænka fékk líka sokka úr bókinni hennar Bittu. Fyrir valinu varð uppskriftin Vilje sem mér þykja svo fallegir.

Stínu sokkar
Garn: Hot Socks New Jaquard
Skóstærð: 34
Prjónar: nr 3½

Vilje sokkar Stina merkt m

 

Sofia frænka á nokkuð marga vettlinga eftir mig. Hún er afskaplega hrifin af áttablaðarósinni svo mér þótti það alveg snilldarhugmynd að prjóna handa henni utan um rauðvíns- og hvítvínsflöskur.

Rautt eða hvítt
Garn:
Basak og Kar-Sim
Prjónar: nr 3½

Rautt eða hvítt minnkud

 

Ég hannaði í sumar 2 tegundir af færeyskum sjölum. Mamma hreifst svo af þeim svo auðvitað fékk hún eitt í jólagjöf í ár.

Demantar sjal
Garn: Snældan, færeysk ull
Prjónar: nr 5½

043 copy

Mynd af samskonar sjali frá því í sumar. Mamma heillaðist af þessum dökkrauða lit á fallegu sjali

Að lokum læt ég fylgja með eina vettlinga sem ég prjónaði í byrjun desember fyrir Sofiu frænku. Alltaf klassískir þessir

Áttablaðarósin
Garn: Kambgarn (brúnn og grár)
Prjónar: nr 3

áttablaðarós kambgarn merkt

Gleðilegt nýtt ár!

Prjónakveðja
Guðrún María

Tags: , ,

Prjónað í nóvember

Tíminn flýgur áfram og árið að enda. Í nóvember var prjónað nema hvað 🙂 Nokkuð var um einfalda hluti hjá mér þar sem ég ætlaði að vera með Guðmundu minni á jólamarkaði og skellti því í nokkra smáhluti fyrir hann.

Þessa fallegu sokka hef ég prjónað áður en ákvað að nota Navia garn í þetta sinn þar sem ég á svo mikið af því.

Áttablaðaróssokkar
Skóstærð:
 25
Garn: Navia Duo
Prjónar: nr. 4

Áttablaðarós með stundaglashæl Navia_merkt_m

Áttablaðaróssokkar
Skóstærð:
26
Garn: 
Navia Duo
Prjónar: nr. 4½

Áttablaðarós með garðaprjónshæl Navia merkt m

Elínborgarsokkar, úr bókinni Sokkaprjón e. Guðrúnu S. Magnúsdóttur
Skóstærð: 26-28
Garn: 
 Easy Care Big skóstærð 26-28
Prjónar nr. 

Elínborgarsokkar merkt m

 

Frozen vettlingar, uppskrift frá Ásu Hildi
Garn:
 Bsaak og Kar-Sim
Prjónar: nr 4
Stærð: 6-8 ára

Frozen vettlingar Easy Care Big merkt minnkud

Jólakúla, uppskrift frá Handverkskúnst
Garn: Glicer garn
Prjónar: nr 2½

Þetta garn ákvað ég að prófa í stað bómullargarns sem ég nota venjulega í jólakúlur og bjöllur. Garnið er til í mörgum litum og fæst hjá Bjarkarhól eða á www.garn.is Jólakúlur koma fallega út í skrautgarni.

Jólakúla Glicer garn2 merkt m

 

Systir mín bað mig að prjóna eina húfu fyrir sig sem hún ætlaði að gefa í sængurgjöf. Þessi húfa með stjörn kemur vel út í tvöfalda prjóninu.

Stjörnuhúfa
Stærð: 6-9 mánaða
Garn: Dale Baby Ull
Prjónar: nr 2½

Tobbu húfa saman merkt

 

Þessa fallegu hnésokka prjónaði ég handa Maíu lita gullinu mínu. Þeir eru aðeins og stórir en hún vex hratt 🙂

Hnésokkar, úr bókinni Sokkaprjón e. Guðrúnu S. Magnúsdóttur
Garn: Lanett
Prjónar: nr 2½

Hnésokkar Maíu1 merkt

Hnésokkar Maíu merkt

Maía varð 1 árs 18. nóvember og auðvitað varð hún að fá eitthvað fallegt prjónað af ömmu <3 Ég ákvað að prjóna vettlinga með þumli á hana og háa upp á handlegginn svo hún rifi þá ekki auðveldlega af sér.

Maíu sett
Garn:
Dale Baby Ull
Prjónar: nr 3½

Húfusett Maíu sameinað

 

Maía Sigrún er einstaklega forvitin og það var annað mun áhugaverðara í gangi í næsta herbergi en að stilla sér upp í myndatöku fyrir ömmu.  En hún tekur sig vel út sem settið og verður hlýtt í vetur.

Prjónakveðja
– Guðrún María

Októberprjón og frí sokkauppskrift

Aldrei slegið slöku við í prjónaskapnum á þessum bæ, listinn yfir óprjónaða hluti styttist þó ekki þar sem ég er sífellt að fá nýjar hugmyndir og finna uppskriftir af einhverju sem mig langar til að prjóna….eða eins og ég segi: ég bara verð að prjóna þetta. Það kannast nú örugglega fleiri prjónakonur við þetta vandamál mitt 🙂

ZigZag sokkar saman_merkt2Frí uppskrift af þessum fallegu sokkum í þessu bloggi

 

Ég er Disney aðdándi og hef mikið gaman af því að prjóna eitthvað sem tengist þeim teiknimyndum sem eru í gangi hverju sinni. Núna er það teiknimyndin um Frozen prinsessuna Elsu sem flæðir um allt og prjónaðar eru margar flíkur henni til heiðurs. Glitrið í flíkunum er sennilega það sem heillar litlu stelpurnar sem ljóma í flíkum prjónuðum af mömmu, ömmu, frænku eða vinkonu.

Frozen peysa:
Frænka mín hún Þórdís Halla fékk þessa peysu í 7 ára afmælisgjöf.
Uppskriftin er úr Óveðursblaðinu og heitir Bylur, einnig er hægt að kaupa uppskriftina beint frá höfundi á netfangið steinunnbirna@gmail.com
Garn: Easy Care Big og Kartopu Kar-sim
Prjónar: númer 5

Frozen Þórdís2 merkt minnkudFallega Þórdís Halla

Frozen Þórdís merkt minnkud

 

Frozen kjóll:
Aþena ömmugull er einnig mikill aðdánandi að Frozen og fékk hún kjól sem hún er alsæl með.

Uppskrift: kjóllinn er uppúr mér en munstrið úr peysunni Byl er notað.
Garn: Sunseek garn frá handprjón.is
Prjónar: númer 4½

sameinud_minnkud merkt
Aþena kát í kjólnum

Frozen kjóll Aþena merkt minnkud

 

Frozen vettlingar:
Ég átti afgang af Easy Care garninu og prjónaði því eina Frozen klukkuprjónsvettlingar á prjóna nr 5.

Frozen vettlingar Easy Care Big merkt minnkud


Ljónahúfa Móra
Móri ömmugull hefur gaman af gröfum og ljónum. Ég teiknaði þessa húfu fyrr á þessu ári og var ákveðin í að prjóna handa honum ljónahúfu fyrir veturinn. Hann var alsæll með húfuna og tekur hana nánast ekki niður. Aþena fékk Hello Kitty húfu. Báðar prjónaðar með tvöfalt prjón tækninni, hlýjar og góðar húfur í vetur.

Uppskrift sem ég setti saman í kringum ljónið sem ég fann á netinu.
Garn: Heritage sock frá handprjón.is
Prjónar: nr 3½

ljónahúfa og Hello KittyMóri og Aþena sæl með nýju húfurnar sínar

Ljónahúfa sameinuð merkt minnkud

Gíraffa vettlingar:
Rakst á þessa skemmtilegu vettlinga á síðunni hennar Jorid. Þessa bara varð ég að prjóna en ég átti garn sem gekk af þegar ég prjónaði ljónahúfuna þannig að Gíraffa vettlingar urðu fljótprjónaðir.

Uppskrift: Jorids mønsterbutikk
Garn: Heritage sock frá handprjón.is
Prjónar: nr 3½

 Gíraffavettlingar merkt minnkud

 

Jólasokkar fyrir hnífapörin
Svona sokka sá ég á netinu í fyrra en þar sem ég fann ekki uppskrift prjónaði ég mína eigin. Þeir eiga eftir að taka sig vel út með hnífapörunum á  jólaborðinu í ár.

Uppskrift: Jólasokkar, frí uppskrift frá Handverkskúnst
Garn: Kartopu Kar-Sim, frá garn.is

Jólasokkur hnífapör hvítmerkt og m

 

Um miðjan október ákvað ég að fara með Guðmundu dóttur minni á Jólahandverksmarkað í Sjóminjasafninu þann 16. nóvember. Ég hef ekki farið áður á svona sölumarkað en þar sem ég á eitthvað af prjónavörum og hef prjónað smávegis til viðbótar verður þetta bara skemmtilegt.  Nokkrir vettlingar og sokkar hafa verið prjónaðir í þeim tilgangi að selja í nóvember.

Kanínuvettlingar 3-4 ára
Ég er svona að móta vettlinga fyrir þau yngstu sem ná aðeins uppá handlegginn. Þægilegir vettlingar á leikskólann og rólóvöllinn.

Uppskrift: Ég að fikta
Garn: Kambgarn
Prjónar: nr 3

Kanínuvettlingar merkt minnkud

 

Tilbrigði við “Litríku vettlingana”
Þessa vettlinga er að finna í bókinni Vettlingaprjón eftir Guðrúnu S. Magnúsdóttur. Ég notaði stroffið á þeim en ákvað að hafa þá einlita og setja kaðal á framhlíð til að skreyta þá aðeins.

Stærð: 7-8 ára
Garn:  Kambgarn
Prjónar: nr 3,25

tilbrigði við litríku vettlingana merkt minnkud

 

Miðfell 2
Rauðir/orange/bláir vettlingarnir, úr bókinni Hlýjar hendur eftir Ágústu Þóru Jónsdóttur

Uppskrift: Miðfell 2
Stærð: 6-7 ára
Garn: Kambgarn
Prjónar: nr 3

Miðfell 2 Kambgarn merkt minnkud

 

Leikskólavettlingar:
Þægilegir vettlingar, háir upp og renna ekki léttilega af litlum höndum.

Uppskrift: Fikt í mér
Stærðir: 1-2 og 3-4 ára
Garn: Smart
Prjónar: nr 3½

Smart vettlingar merkt minnkud

 

Barnasokkar
Þessir voru prjónaðir eftir uppskrift frá Bitta Mikkelborg. Það eru fullorðinssokkar en ég notaði fínna garn og fékk þessa fínu barnasokka

Uppskrift: Ryggesokker
Skóstærð: 26-27
Garn: Lane Cervinia Strømpegarn
Prjónar: nr 3½

Ryggesokker merkt minnkud

 

Vilje sokkar
Þessa sokka er að finna í bókinni hennar Bitte Sokker – strikkning hele året . Mér þykja þessir sokkar afskaplega fallegir og hef prjónaða þá áður.

Uppskrift: Vilje
Skóstærð: 37-38
Garn: Tove ullargarn frá Sandnes
Prjónar: nr 3½

Vilje sokkar merkt minnkud

Fallegt munstur á þessum sokkum

Vilje sokkar nærmynd merkt minnkud

Zig-Zak sokkar
Þetta zig-zak munstur kemur skemmtilega út á sokkum. Ég sá sokka á Ravelry með þessu munstri og prjónaði þessa bláu. Prjónaði síðan aðra á grófari prjóna ogsá þá að þessa uppskrift er hægt að nota í margar stærðir af sokkum. Þú stýrir stærðinni með misgrófu garni og prjónum, lengd á fæti er síðan eftir því hver verðandi eigandi er.

Uppskrift: Zig-Zak sokkar, frí uppskrift frá Handverkskúnst
Skóstærð: 26-28 /36-38
Aldur: (3-5 ára) / (8-10 ára)
Garn: Smart frá Sandness eða Dale Falk
Prjónar: nr 3,25 (bláu sokkarnir) eða nr 4 (bleiku sokkarnir)

Zig-Zag sokkar Smart merkt minnkud2Smart garn á prjóna nr 3,25

ZigZag sokkar Dale Falk_merktDale Falk á prjóna nr 4

Sokkauppskriftin:

Garn: Ég notaði Smart í bláu sokkana og Dale Falk fyrir bleiku sokkana, 2 dokkur í báðar stærðir
Prjónar: Sokkaprjónar nr 3 fyrir minni sokkana,  sokkaprjónar nr 4 fyrir stærri sokkana.
Prjónfesta:
28 lykkjur á prjóna nr 3 = 10 sm
24 lykkjur á prjóna nr 4 = 10 sm
Stærðir:
Bláu sokkarnir eru í skóstærð: 26-28 (3-5 ára)
Bleiku sokkarnir eru í skóstærð: 36-38 (8-10 ára)

Útskýringar á skammstöfunum:
v: prjónið framan og aftan í lykkjuna
4S: prjónið 4 lykkjur slétt
1Ó+2Ss+STY: ein lykkja tekin óprjónuð, tvær lykkjur prjónaðar sléttar saman, óprjónuðu lykkjunni steypt yfir
sm: sentimetrar
B: prjónið bruðið
S: prjónið slétt
s: saman
2Szs: prjónið 2 lykkjur slétt saman í gegnum aftir lykkjuboga á báðum lykkjum
Sz: prjónað slétt aftan í lykkjuna; í aftari lykkjubogann

ZigZak munstur:
Umferð 1: prjónið slétt
Umferð 2: prjónið *v, 4S, 1Ó+2Ss+STY, 4S, v* endurtakið *-* út umferðina.


Aðferð:
Fitjið upp 52 lykkjur og prjónið stroff 2 slétt, 2 brugðið, 2½ sm. Skiptið yfir í ZigZag munstur og prjónið þar til stykkið mælist 16-17 sm

Hællstykki:
Hællstykkið er prjónað yfir 26 lykkjur á prjóni 3 og 4 en lykkjur á prjóni 1 og 2 eru geymdar á meðan; snúið við og prjónið:

Umferð 1 (frá röngunni): Takið fyrstu lykkju óprjónaða, prjónið brugðið út umferðina = 26 lykkjur
Umferð 2 (frá réttu): *takið 1 lykkju óprjónaða, prjónið 1 lykkju slétt* endurtakið frá *-* út umferðina. = 26 lykkjur

Endurtakið þessar tvær umferðir þar til;
Minni sokkur: 20 umferðir hafa verið prjónaðar, endið á umferð frá réttunni.
Stærri sokkur: 24 umferðir hafa verið prjónaðar, endið á umferð frá réttunni.

Hælúrtaka:
Umferð 1 (frá röngunni): Takið fyrstu lykkju óprjónaða, prjónið 14B, 2Bs, 1B, snúið við
Umferð 2 (frá réttunni): Takið fyrstu lykkju óprjónaða, prjónið 5S, 2Szs, 1S snúið við
Umferð 3: Takið fyrstu lykkju óprjónaða, prjónið brugðið þar til 1 lykkja er að gatinu, 2Bs, 1B, snúið við
Umferð 4: Takið fyrstu lykkju óprjónaða, prjónið slétt þar til 1 lykkja er að gati, 2Szs, 1S, snúið við
Endurtakið umferðir 3 og 4 þar til allar lykkjur hafa verið prjónaðar = 16 lykkjur

Skiptið þeim á 2 prjóna og takið upp á hlið hælsins:
Minni sokkur: 10 lykkjur
Stærri sokkur: 14 lykkjur

Umferðin byrjar nú á miðjum hæl (undir il) og er prjónað slétt yfir prjón 1 og 4 en munstur yfir lykkjur á prjóni 2 og 3.
Minni sokkur: nú eru 18 lykkjur á prjóni 1 og 4 en 13 lykkjur á prjóni 2 og 3
Stærri sokkur: nú eru 22 lykkjur á prjón 1 og 4 en 13 lykkjur á prjóni 2 og 3.

Prjónið eina umferð slétt á prjóni 1 og 4, ATH: prjónið lykkjur á hælstykki Sz og munstur á prjóni 2 og 3.

Úrtaka á aukalykkjum:
Prjónn 1: prjónið þar til 3 lykkjur eru eftir á prjóninum, 2Ss, 1S,
Prjónn 2: prjónið munstur
Prjónn 3: prjónið munstur
Prjónn 4: 1S, 2Szs, prjónið slétt út prjóninn

Prjónið 1 umferð án úrtaka (prjónið slétt á prjónum 1 og 4 en munstur yfir prjóna 2 og 3)
Endurtakið þessar tvær umferðir þar til 13 lykkjur eru eftir á prjóni 1 og 4.
2Szs: prjónið 2 lykkjur slétt saman í gegnum aftir lykkjuboga á báðum lykkjum
Sz: prjónað slétt aftan í lykkjuna; í aftari lykkjubogann

ZigZak munstur:
Umferð 1: prjónið slétt
Umferð 2: prjónið *v, 4S, 1Ó+2Ss+STY, 4S, v* endurtakið *-* út umferðina.

Sokkur:
Fitjið upp 52 lykkjur og prjónið stroff 2 slétt, 2 brugðið, 2½ sm. Skiptið yfir í ZigZak munstur og prjónið þar til stykkið mælist 16-17 sm

Hællstykki:
Hællstykkið er prjónað yfir 26 lykkjur á prjóni 3 og 4 en lykkjur á prjóni 1 og 2 eru geymdar á meðan; snúið við og prjónið:

Umferð 1 (frá röngunni): Takið fyrstu lykkju óprjónaða, prjónið brugðið út umferðina = 26 lykkjur
Umferð 2 (frá réttu): *takið 1 lykkju óprjónaða, prjónið 1 lykkju slétt* endurtakið frá *-* út umferðina. = 26 lykkjur

Endurtakið þessar tvær umferðir þar til;
Minni sokkur: 20 umferðir hafa verið prjónaðar, endið á umferð frá réttunni.
Stærri sokkur: 24 umferðir hafa verið prjónaðar, endið á umferð frá réttunni.

Hælúrtaka:
Umferð 1 (frá röngunni): Takið fyrstu lykkju óprjónaða, prjónið 14B, 2Bs, 1B, snúið við
Umferð 2 (frá réttunni): Takið fyrstu lykkju óprjónaða, prjónið 5S, 2Szs, 1S snúið við
Umferð 3: Takið fyrstu lykkju óprjónaða, prjónið brugðið þar til 1 lykkja er að gatinu, 2Bs, 1B, snúið við
Umferð 4: Takið fyrstu lykkju óprjónaða, prjónið slétt þar til 1 lykkja er að gati, 2Szs, 1S, snúið við
Endurtakið umferðir 3 og 4 þar til allar lykkjur hafa verið prjónaðar = 16 lykkjur

Skiptið þeim á 2 prjóna og takið upp á hlið hælsins:
Minni sokkur: 10 lykkjur
Stærri sokkur: 14 lykkjur

Umferðin byrjar nú á miðjum hæl (undir il) og er prjónað slétt yfir prjón 1 og 4 en munstur yfir lykkjur á prjóni 2 og 3.
Minni sokkur: nú eru 18 lykkjur á prjóni 1 og 4 en 13 lykkjur á prjóni 2 og 3
Stærri sokkur: nú eru 22 lykkjur á prjón 1 og 4 en 13 lykkjur á prjóni 2 og 3.

Prjónið eina umferð slétt á prjóni 1 og 4, ATH: prjónið lykkjur á hælstykki Sz og munstur á prjóni 2 og 3.

Úrtaka á aukalykkjum:
Prjónn 1: prjónið þar til 3 lykkjur eru eftir á prjóninum, 2Ss, 1S,
Prjónn 2: prjónið munstur
Prjónn 3: prjónið munstur
Prjónn 4: 1S, 2Szs, prjónið slétt út prjóninn

Prjónið 1 umferð án úrtaka (prjónið slétt á prjónum 1 og 4 en munstur yfir prjóna 2 og 3)
Endurtakið þessar tvær umferðir þar til 13 lykkjur eru eftir á prjóni 1 og 4.

Prjónið nú áfram án úrtaka þar til lengd á sokk er 4 sm styttri en rétt lengd á að vera.

Úrtaka á tá:
Nú er prjónað slétt yfir allar lykkjur, prjónið úrtökuumferð þannig:

Prjónn 1: prjónið slétt þar til 3 lykkjur eru eftir 2Ss, 1S
Prjónn 2. 2Sz, prjónið slétt út prjóninn
Prjónn 3: prjónið slétt þar til 2 lykkjur eru eftir 2Ss
Prjónn 4: 1S, 2Szs, prjónið slétt út prjóninn

Prjónið 3 umferðir án úrtöku
Prjónið úrtökuumferð
Prjónið 2 umferðir án úrtöku
Prjónið úrtökuumferð
Prjónið 1 umferð án úrtöku
Takið nú í hverri umferð þar til 16 lykkjur eru eftir, prjónið þá 2 lykk jur slétt saman út umferðina = 8 lykkjur eftir. Slítið bandið frá og dragið í gegnum þær sem eftir eru.

Gangið frá endum, þvoið sokkana og leggið til þerris.

 

Zig-Zag sokkar Smart nærmynd_merktNærmynd af munstri sokkanna
ZigZag sokkar Dale Falk nærmynd_merkt

Sokkauppskriftina á pdf formi má nálgast hér

Eigið góða helgi

– Prjónakveðja frá Guðrúnu Maríu

Tags: , , , , , , , , , , , , ,

Prjónauppgjör júlí-september

Einhverra hluta vegna dró ég það að blogga um prjónaskapinn í sumar en ég tók nú ekki pásu. Ég prjóna hvern einasta dag ársins eitthvað smávegis alla vega. Mér þykir gott að halda utan um það sem ég prjóna hér svo nú kemur listi með smá upplýsingum við hverja mynd. Man ekki alveg í hvaða röð hlutirnir voru prjónaðar en svona nokkurn veginn 🙂

Í júlí fórum við mamma til Færeyja í heimsókn til ættingja og vina. Þar prjónaði ég loksins mitt fyrsta færeyska sjal.

Færeyskt sjal 
Garn: Navia Uno
Prjónar nr 5,5

Færeyskt sjal1 merkt minnkuð

Þegar ég hafði prjónað þetta sjal var ekki aftur snúið og ég teiknaði upp tvö sjöl og prjónaði. Lesa má um þau hér

Demantur – færeyskt sjal
Garn: Snældan 2ja þráða
Prjónar nr 5,5 og 6


041 copy
Minna sjalið er prjónað á prjóna nr 5,5

060 copyStærra sjalið er prjónað á prjóna nr 6

Blómaknúpar – færeyskt sjal
Garn: Einrum +2
Prjónar nr 5,5

025 copy

Uppskriftir af sjölunum getur þú keypt hjá mér, gudrun@handverkskunst.is eða á Ravelry: Demantar og Blómaknúpar bæði sjölin er seld á íslensku, ensku eða dönsku.

Afmæliskjóllinn hennar Maíu Sigrúnar var líka prjónaður í Færeyjum. Uppskriftina fékk ég á Ravelry

Afmæliskjóll Maíu
Garn: Santa Fe
Prjónar nr 4
Stærð: 18 mánaða

Afmæliskjólinn minkuð mix merktMaía Sigrún í kjólnum, hún verður 1 árs 18. nóvember n.k.

Við mægður ákváðum að prjóna og hekla tuskur, hafði verið lengi á dagskrá en alltaf dregist

Borðtuskur 
Garn: Bómullargarn
Prjónar nr 3 og 3,5

Tuskur allar merktFría uppskrift finnur þú á síðunni okkar, bloggfærsla er hér

Júlí vettlingarnir voru tvöfalt prjón vettlingar sem frænka mín fékk í afmælisgjöf í ágúst. Munstrið fann ég á netinu og breytti smávegis svo það passaði á þessa vettlinga

Kisuvettlingar handa frænku
Garn: Arwetta Classi
Prjónar nr 2,5

Ingibjargar vettlingar merkt minnkuð

Það kom að því að ég prjónaði eitthvað á mig. Þessa peysuuppskrift hafði ég séð á heimasíðu Filcolana fyrir nokkru síðan og keypti mér 3ja þráða Snældu í Færeyjum til að prjóna hana úr.

Gula peysan mín
Garn: Snældan 3ja þráða
Prjónar nr 4,5

Gula peysan mínEkki mjög góð mynd en ég á eftir að taka betri mynd af henni.

Þennan Hello Kitty kjól prjónaði ég árið 2012, uppskrift eftir mínu höfði en ég kláraði ekki að sauma slaufu og augu í Hello Kitty fyrr en í ágúst 2014.

Hello Kitty kjóll
Garn: Sisu
Prjónar nr 3
Stærð: 4ra ára

Hello Kitty kjóll merkt minnkud

Ágúst vettlingarnir voru fljótprjónaðir en uppskriftina fékk ég hjá Ásu í Buffaló Ása á Facebook. Fór nokkrum sinnum til hennar á Krika við Elliðavatn í sumar og hitti þar fleiri prjónakonur, skemmtilegur félagsskapur.

Frozen vettlingar
Garn: Léttlopi
Prjónar nr 4,5

Frozen vettlingar AR merktAþena var sátt við þessa flottu vettlinga

Í ágúst hafði samband við mig kona í Frakklandi sem sá Marius peysurnar mínar og vildi endilega fá Hello Kitty útgáfuna handa 4ra ára dóttur sinni.

Marius Hello Kitty peysa og húfa
Garn: Sisu
Prjónar nr 3,5
Stærð: 4ra ára

HK frakkland

HK húfa Frakkland sameinaðHúfuna prjónaði ég með tvöfalt prjón aðferðinni svo hún verður góð í vetur

Aþena fór að fá mikinn áhuga á prinsessum og kórónum og vildi endilega að amma prjónaði kórónu handa sér. Auðvitað var það snarað fram 🙂

Kóróna
Garn: Rautt með glimmer sem ég átti til
Prjónar nr 4

Aþena kóróna minnkuð merkt

Þegar dóttir vinkonu minnar bað mig um að prjóna heimferðasett á barnið sitt var það sjálfsagt mál. Hún valdi sér dress á prinsinn og ég hófst handa. Ég prjónaði ekki alveg minnstu stærðina svo hann geti notað það aðeins lengur.

Heimferðasett á prins
Garn: Dale Baby ull
Prjónar nr 3
Stærð: 3 mánaða
Uppskrift úr Dale Baby nr 277

Helgudress1 merkt

Fyrst ég var byrjuð að prjóna á hann skellti ég í eitt teppi líka. Það er að mínu mati nauðsynlegt að eiga alla vega eitt teppi fyrir litlu krílin. Uppskriftina fann ég á Ravelry og hún er frí þar.

Barnateppið Chevron Baby Blanket
Garn: Dale Baby Ull (prjónaði úr tvöföldu garni)
Prjónar nr 6

Helguteppi merkt

Ég er voðalega lítið fyrir leyniprjón en freistaðist til að vera með í september í Mistery Mitt á Ravelry. Þar fengum við vikulega hlut af uppskriftinni. Byrjaði ágætlega en svo sá ég að vettlingarnir voru ekki alveg að gera sig. Byrjaði á prjónum nr 3 en þeir voru á mjög smávaxna hendi svo ég rakti hann upp og breytti í prjóna nr 3,5.  Eitthvað var ég ekki sátt við þá svo ég hætti og kláraði þá ekki. Ég held að leyniprjón sé bara ekki minn vettvangur. Ég vil vita hvað ég er að fara að prjóna 🙂

Hello Kitty húfa fyrir Aþenu
Garn: Easy Care frá Mayflower
Prjónar nr 3,5

Hello Kitty Easy Care

 

Soria Moria vettlingar
Garn: Dale Baby Ull
Prjónar nr 3,5

Leynivettlingaprjón merkt sameinaðFramhlið og bakhlið vettlingsins

September vettlingar mínir urðu því einfaldir þar sem ég hafði einungis tvo daga til að prjóna þá.

September vettlingar
Garn: Kambgarn
Prjónar nr. 3,25

September vettlingar

Ég smitaðist af konum úr Handóðir prjónarar á Facebook en þær voru að tala um Ugluhúfur en uppskriftin fæst á Ravelry. Skellti í handa 4 börnum, afskaplega fljótprjónaðar húfur.

Ugluhúfur
Garn: bláa er prjónuð úr Gipsy, hvíta úr Merino ull+Kar-Sim, ljósbrúna úr Merino ull
Prjónar nr 6,5

Ugluhúfur merkt

 

Ég byrjaði á húfu með kraga fyrir Maíu mína, en er ekki alveg sátt við hana svo hún hefur ekki verið fullkláruð. Þarf að hugsa þetta aðeins betur.

Húfan hennar Maíu
Garn: Dale Baby Ull
Prjónar nr 3

húfa með kraga Maía

Ég held að þetta sé nú upptalið man annars ekki eftir því að hafa prjónað fleira á þessum mánuðum 🙂

Prjónakveðja

   – Guðrún María

Tags: , , , , , , , ,

Maí uppgjör

Ég prjóna á hverjum degi en það rennur mishratt af prjónunum hjá mér. Ég datt í sokkaprjón í maí enda alsæl með uppgötvun mína á 20 og 30 cm prjónum. Þvílík snilld og sokkaprjónar að verða algjör undantekning 🙂

Þetta er hann Móri minn, 2 1/2 árs gutti. Hann var ekki sáttur við það um daginn að amma prjónaði eins peysur á systur hans og frænku. Svo hann varð nú heldur betur glaður þegar hann fékk þessa fallegu apahúfu og alveg eins handa Maíu og Aþenu.

Móri merktur

Þessi húfa var lengi búin að vera á verkefnalistanum hjá mér og þar sem ég gat ekki ákveðið hver ætti að fá svona húfu prjónaði ég á þau öll þrjú gullin mín litlu.

Apahúfur merkt6

Apahúfur merkt4

Stærri húfurnar prjónaði ég úr Mayflower Easy Care frá versluninni Rósa Amma en litla húfan er prjónuð úr Dale Baby Garn frá A4. Uppskriftin heitir Monkey Hat frá Mary Ann Stephens sem ég keypti á Ravelry.

Vettlingar maí mánaðar voru auðveldir að prjóna. Ég valdi mér þessa vettlinga sem ég sá á Ravelry og má nálgast uppskriftina frítt, hún heitir Mittens with Leaves og er á ensku. Ég notaði Kambgarn og prjóna nr. 3,5

Maívettlingar merkt

 

Kjóllin Clara dress var loksins prjónaður. Ég notaði Drops Alpacka Silk, gott að prjóna úr þessu garni en ég er ekki viss ennþá hvort ég láti Maíu fá þennan kjól eða prjóni annan og stækki uppskriftina. Mig langaði að gefa henni þennan kjól fyrir 1 árs afmælið og þess smellpassar á hana núna 7 mánaða gamla. Svo hver fær kjólinn er ekki ennþá ákveðið, en fallegur er þessi kjóll.

Clara dress Maía

Sokkar

Prjónaði nokkur sokkapör og datt í sokkabók sem ég keypti mér í apríl sem heitir: Sokker. Strikking hele året eftir Bitta Mikkelborg og er hún á norsku.

Røff og tøff prjónaði ég handa Móra á prjóna nr 3 úr Dale Baby Garn. Fínir sokkar fyrir næsta vetur.

Mórasokkar merkt

 

Öklasokkarnir Søte frøken sommer urðu næst fyrir valinu. Munstrið á ristinni nýtur sín ekki nógu vel með þessu garni en þetta eru þægilegir sokkar að smella á fæturnar þegar kalt er. Garn: sokkagarn frá Lane Cervinia, prjónar nr 3

Ökklasokkar merkt

 

Leikskólasokkar á Aþenu mína eru tilbúnir fyrir veturinn en fyrri sokkana Eyrarbakki úr prjónabókinn Hlýir fætur voru prjónaðir á prjóna nr 2,5 úr Regia sokkagarni. Seinna parið Vilje eru prjónaðir á prjóna nr 3  úr sokkagarni frá Lane Cervinia. 

Aþenusokkar2 merkt

 Eyrarbakki

Aþenusokkar merkt

Vilje

 

Ætlunin er að prjóna eins sokka á Móra og Maíu en ég er bara búin með hennar sokka. Eitthvað annað greip mig svo Móra sokkar verða prjónaðir seinna í sumar. Sokkarnir heita Espen Askepott og eru prjónaðir á prjóna nr 3 úr sokkagarni frá Lane Cervinia. Ekki beint stelpulegir sokkar en prjónaðir fyrir Móra svo þau systkinin geti verið eins í vetur 🙂

Maíusokkar merkt

 

Að lokum datt í í þessa hnésokka. Ég elska þennan eiturgræna lit og veit ekkert hver fær sokkana en langaði bara að prjóna þá. Sá þetta skrautmunstur einhvers staðar og ákvað að prófa það á sokka og hafði þá einfalda að öðru leiti. En eins og stundum gerist með mig þá eru nokkur verkefni í gangi þannig að ég hef bara prjónað annan sokkinn. Hinn kemur síðar í sumar 🙂 Prjónaðir á prjóna nr 3 úr sokkagarni frá Lane Cervinia

grænu hnésokkarnir merkt

grænu hnésokkarnir nærmynd merkt

 Nærmynd af munstrinu

Læt þetta duga í bili, prjónaði eina húfu úr tvöföldu prjóni líka í maí en á eftir að mynda hana 🙂

Prjónakveðja út í sumarið til allra

– Guðrún María

Tags: , , , ,

Mars og apríl prjón

Ég gaf mér ekki tíma til að taka saman í blogg það sem ég prjónaði í mars og ákvað því að setja saman mars og apríl. Það gekk eitthvað á “to do” listann minn sem er langur samt sem áður en gaman að eyða út af honum og líka mjög spennandi að bæta á hann verkefnum sem mig langar eða ætla mér að prjóna 🙂

Pixie húfan hefur lengi verið á listanum og bara spurning hvenær ég gæfi mér tíma til að prjóna hana. Ég keypti sumarjakka á Maíu í Kaupmannahöfn um daginn og þá vantar að sjálfsögðu húfu við jakkann. Ég prjónaði húfuna úr Dale baby ull og fann uppskriftina í Prjónablaðinu Ýr númer 37.

Maía pixie merkt

Skemmtileg húfa og þið getið fundið uppskrift af henni á netinu á ensku með því að leita á Google að Pixie hat.

Þessa fallegu peysu sá ég í garnversluninni Anita Garn & Strikk í Kaupmannahöfn. Hugsaði mig ekki tvisvar um, keypti garn, Drops Baby Merino á staðnum í þessa peysu og prjónaði handa Aþenu og Maíu. Aþena hefur mjög gaman af því að þær frænkur séu eins klæddar.

kaðlapeysa á maíu og aþenu1 merkt

 Framhliðin

kaðlapeysa á maíu og aþenu2 merkt

 Bakhliðin

kaðlapeysa á maíu og aþenu3

 Maía kát með nýju peysuna sína

Á rölti mínu um garndeildina í A4 rakst ég á nýtt blað, Dale Garn Barn nr. 281. Þar sá ég þessar leggings og kolféll fyrir þeim. Uppskriftin er gerð fyrir garnið Daletta en þar sem það er ekki selt í A4 keypti ég Dale Baby ull. Prjónfestan er ekki sú sama þannig að ég þurfti að endurreikna til að fá rétta stærð miðað við garnið. Ég prjónaði þær á prjóna nr. 3 og er mjög ánægð með þær.

Leggings1 merkt

 Nærmynd af mynstri á leggings

Í sama blaði var einnig falleg peysa  prjónuð úr Royal Alpakka frá Dale en ég ákvað að prjóna vesti á við þessar leggings og notaði sama garn. Uppskriftin er í Ungbarnablaði Tinnu nr. 12 frá árinu 2009.

vesti1 merkt

 Einfalt vesti og fljótlegt að prjóna með munsturbekk efst

Það stóð á garndokkunni að þetta garn mætti fara í þvottavél en ég var ekki alveg sátt þegar vestið kom úr vélinni, finnst eins og flíkin hafi þæfst aðeins. Aþena á eftir að taka sig vel út í þessu dressi 🙂

leggings og vesti merkt

Ég var lengi búin að leita að uppskriftinni af kjólnum Clara og langaði svo afskaplega mikið til að prjóna hann. Fann loksins uppskriftina á netverslun í Bandaríkjunum.

clara dress

Ég ákvað að prjóna hann úr garni sem ég átti til en…

clara dress1

Svo er ég ekki viss þannig að ég lagði hann til hliðar og ætla aðeins að fara rúnt í garnverslanir og sjá hvort ég finni garn sem mér líkar betur í þennan fallega kjól sem ætlaður er Maíu minni.

Doddahúfurnar sá ég á Facebook prjónasíðu og fór strax að kaupa garn og uppskrift í þær. Þetta eru fyrstu húfurnar sem Aþena og Móri nota sem ekki hafa eyrnaskjól. Þau eru alsæl með þessar húfur sem þau skella sjálf á höfuðið og enginn þarf að hjálpa þeim.

Doddahúfur merkt

Uppskriftina fékk ég á íslensku í Storkinum og ég notaði Baby Cashmerino frá Debbie Bliss í þær. Mæli með þessum húfum þær eru rosalega skemmtilegar og fljótprjónaðar.

úti í garði minnkuð

Ég á 5 börn og prjónaði alltaf á þau peysu á vorin, sumarpeysu og síðan aðra þykkari fyrir veturinn. Ég ákvað að taka upp þennan sið með barnabörnin litlu sem nú eru 3.  Móri og Aþena hafa fengið að njóta sín hér á blogginu og er prjónað mikið á þau. Mæðurnar hafa nánast ekkert um það að segja, amma bara prjónar og prjónar 🙂

Ég ætlaði að prjóna á þau einlitar peysur fyrir sumarið í ár og hafa þær með köðlum. Ég prjónaði fyrst þessa bleiku kaðlapeysu úr Dale Baby ull á prjóna nr. 3 en var svo ekki neitt upprifin yfir henni þannig að hún verður notuð sem aukaflík heima hjá ömmu og afa.

Bleika kaðlapeysan merkt

Ákvað þá að prjóna á þau aðra peysu og varð norska peysan Marius fyrir valinu. Ég hef prjónað nokkuð margar peysur eftir þessari uppskrift og þykir hún alltaf jafnfalleg. Í þetta sinn ákvað ég að setja inn munstur á þær sem höfða meira til Aþenu og Móra en láta munstrið að öðru leiti halda sér eins. Hér getur þú nálgast nokkrar hugmyndir til að nota í peysur.

Ég notaði Sisu garn í báðar peysurnar og uppskriftin mín kom úr prjónablaðinu Norske Ikoner tema 34 frá Sandnes Garn. Ég var nokkra stund að velta fyrir mér litum í peysurnar en endaði á því að hafa þær ljósgráar í grunninn. Litaglaða konan ég var ekki viss með litavalið fyrr en flíkurnar voru fullkláraðar en ég er aftur á móti alsæl með báðar peysurnar sem og mæður barnanna og þau stuttu auðvitað líka.

hk f aþenu merkt

 Hérna sést hvernig Hello Kitty leit út áður en ég saumaði svart í kringum hana, gerbreytir útlitinu þegar peysan er fullkláruð

Marius Hello Kitty merkt

Móri er mikill bílakarl og ákvað ég því að hafa gröfur hjá honum þar sem hann fékk húfu í vetur með traktór.

Mórapeysa vor merkt

 Gröfurnar að koma í ljós og allt lofar góðu

Marius grafa merkt

Hann verður svakalega flottur í sumar í þessari fallegu peysu

Eina helgina í apríl var ég svona á milli verkefna og vantaði eitthvað að prjóna svo þá prjónaði ég þessi þrjú pör af vettlingum. Það vantar jú alltaf vettlinga.

Vettlingar apríl merkt

Spiderman vettlingarnir féllu vel í kramið hjá Móra en uppskriftina af þeim fann ég hér en ég notaði garnafganga af Baby garni og notaði prjóna nr. 3. Gráu vettlingana prjónaði ég og saumaði síðan fílinn eftir á í þá, fílinn fann ég á netinu. Að lokum þessir fallegu vettlingar úr einhvers konar stjörnuprjóni sem ég bloggaði um hér og setti inn uppskrift af þeim.

Auðvitað prjónaði ég smávegis tvöfalt prjón í apríl, ekki hægt að vera lengi án þess að hafa það með 🙂 Ég hafði svo oft fengið beiðni um húfu með uglum á námskeiðum hjá mér í Föndru. Úr varð þessi ugluhúfa sem er prjónuð úr Drops Baby Merino á prjóna nr. 3,5.

Ugluhúfa Drops merkt

Uppskriftin kostar kr. 600 og er húfan í þremur stærðum: (1-2 ára) 3-4 ára (5-7 ára). Uppskrift fyrir 1-2 ára er með eyrnaskjólum en hinar án.

Að lokum þá eru hér tvær prjónabækur sem bættust í safnið mitt.

SOKKABÓKIN

Sokkabókin hennar Bitta Mikkelborg hafði lengi heillað mig og pantaði ég mér hana frá Noregi. Þú getur skoðað Facebook síðuna hennar og séð eitthvað af sokkunum þar.

Síðan er ég svo heppin að Ellý systir er alveg komin í gírinn með það að skoða prjónabækur og -blöð á ferðum sínum erlendis. Um daginn var hún í Færeyjum og rakst á þessa frábæru bók sem er stútfull af fróðleik og uppskriftum.

SOKKABÓKIN2

Ekki skemmdi fyrir að þessi bók var á óskalista mínum yfir bækur sem ég vil eignast 🙂

Læt þetta blogg enda hér og held að ég hafi ekki gleymt neinu sem ég prjónaði þessa tvo mánuði….

Prjónakveðja

– Gurún María

 

Tags: , , , , , , ,

Handverkskúnst notar vafrakökur til að bæta upplifun og greina umferð um vefinn.

Friðhelgisstillingar

Við notum vafrakökur til að skrá upplifun viðskiptavina okkar svo við getum betur komið til móts við þá. Hér getur þú með einföldum hætti haft áhrif á þá virkni.

Vafrakökurnar hér að neðan eru nauðsynlegar svo vefurinn starfi eðlilega.

Þessar kökur eru hluti af WordPress kerfinu.

  • wordpress_test_cookie
  • wordpress_logged_in_
  • wordpress_sec
  • devicePixelRatio

Þessi vafrakaka vistar stillingar notandans varðandi samþykki á vafrakökum á handverkskunst.is

  • CookieConsent

Hafna öllum vafrakökum
Samþykkja allar vafrakökur