„Málað“ með garni

Ég var að klára að hekla teppi og enn einu sinni þá sat ég uppi með heilan helling af endum. Mér finnst svo mikil synd að henda öllum þessum endum því það er hellingur af garni sem fer til spillis.

Þannig að ég fór að hugsa hvort ég gæti ekki nýtt þessa enda og mundi þá eftir grein í einu gömlu handavinnublaði þar sem var „málað“ með garni. Og þar sem ég er alltaf að pæla í verkefnum sem gætu verið skemmtileg fyrir krakka þá minntist ég á þetta við Mikael – uppáhalds föndrarann minn og tilraundýr – og hann tók bara vel í það.

Einn sunnudaginn settumst við fjölskyldan niður saman og hófumst handa.

Móri (18 mánaða) var með í fjörinu. Hann entist alveg í heilan hálftíma.

Hann fékk sér líka aðeins að smakka á garninu. Honum fannst það ekki gott.

Við Mikael (12 ára) sátum heillengi að „mála“.
Áður en við vissum af því þá höfðum við setið í 1,5 klst.

Mikael ákvað að gera Pokémon fígúru.
Hann teiknaði útlínurnar. Límdi garn yfir línurnar og litaði svo myndina.

Afrakstur dagsins

Myndin hans Móra

Fjölskyldumynd sem ég gerði

Ég gerði líka smá mynstur, bara til að prufa

Fígúran sem Mikael gerði

Annað efni sem við notuðum til að „mála“:

• Karton pappír
• Trélitir
• Taulím – með mjóum stút
• Skæri
• Prjónar – til að ýta garninu á sinn stað

Við skemmtum okkur alveg konunglega og mælum algerlega með því að þú og þínir prufið að „mála“ með garni ef ykkur langar að föndra eitthvað skemmtilegt saman.

Garn-kveðjur
Elín c“,)